„O teterscha iste uso fauntvortinipe cidim on. Use rasistischi motivirti gevojt na tromal jek tel viklinipe te del“, mangel o Philipp Sonderegger andar i organisacijona „SOS Mitmensch“. I manuschengeri tschatschipengeri grupn „SOS Mitmensch“ faurtajlinel o tradipe le francitike Romendar Manouche taj Sintijendar usar jek parkiskero thanestar ando osttirolitiko Ainet sorale. „Mint te na nischta kerdo ulo, lakas amen bojd andi söbi situacija sar andi Italija taj Ungriko papal, kaj o maripe gejng o Roma mindig buteder eskalirinel“, phenel o Sonderegger use. Pal aundipe la „Kleinen Zeitung“ atar sina oda angleperipe imar ando 2. august, kaj but terne dschene srastune kilenca upro tel terdschime atschipeskere verdi angle gele, taj „Zigeuner ari“ vrischtschanahi. O Roma iste harengere akaripeha use jek avro than vodim ule.  (volksgruppen.orf.at)

Radijo Kaktus / WEBRADIO oe1campus
14.8.2009, 20:00 & 15.8.2009, 20:30 orenge

Cejiste o baro raschaj Paul Iby ando 9. august 2009 use peskero 50-berschengero raschajiskero jubilejum o internachijonali Romengeri ladipe Cejiste kertscha. O 70-berschengero raschaj sikal pe ando vakeripe la Gilda Horvathaha meg menik eklik khino: „Te tromtschom, te andi cukunft uso Romengero ladipe Cejiste use ova“, phenel o Iby. O raschaj Fabian Mmagu, selsorgeri le Romenge taj Sintijenge, hi o persenlichi kontakto le Romenca igen barikano. „Amen kamaha jek nevo kipo le khetanipeske te kerel“, phenel o Mmagu. O raschaj Simehatar ando Burgenland Fabian Mmagu angle pantsch berscha la katolischi bischofakera konverencatar uso nevo selsorgeri le Romenge taj Sintijenge arodim ulo. Usi glajchi cajt o baro raschaj Paul Iby le uso gejstlichi asistento le Roma- taj Sinti-selsorgejake ande pri diözese kertscha. Read the rest of this entry »