Radijo Kaktus: 14. Romengero ladipe Cejiste
August 15th, 2009 | Published in Brauchtum & Tradition, Radio, Podcast & TV, Religion
Radijo Kaktus / WEBRADIO oe1campus
14.8.2009, 20:00 & 15.8.2009, 20:30 orenge
Cejiste o baro raschaj Paul Iby ando 9. august 2009 use peskero 50-berschengero raschajiskero jubilejum o internachijonali Romengeri ladipe Cejiste kertscha. O 70-berschengero raschaj sikal pe ando vakeripe la Gilda Horvathaha meg menik eklik khino: „Te tromtschom, te andi cukunft uso Romengero ladipe Cejiste use ova“, phenel o Iby. O raschaj Fabian Mmagu, selsorgeri le Romenge taj Sintijenge, hi o persenlichi kontakto le Romenca igen barikano. „Amen kamaha jek nevo kipo le khetanipeske te kerel“, phenel o Mmagu. O raschaj Simehatar ando Burgenland Fabian Mmagu angle pantsch berscha la katolischi bischofakera konverencatar uso nevo selsorgeri le Romenge taj Sintijenge arodim ulo. Usi glajchi cajt o baro raschaj Paul Iby le uso gejstlichi asistento le Roma- taj Sinti-selsorgejake ande pri diözese kertscha.
Ande ada bersch i mischa andi basilika tel likerdi uli. I pilgerjakeri roas le Romendar sikal jek schelberschengri tradicija upre, savi maschkar o NS-akero reschim tel phandlo ulo taj 1995 papal le austritike Roma farajnendar ando dschivipe vrischtschando ulo. Organisirim ol o Romengero ladipe Cejiste le referatistar le etnischi grupnenge andar i diözese Tikni Martona, le Kulturakere farajnistar le austritike Romendar, le farajn Roma-Serviseistar, le Romano Centrostar, le Farajn Ketanistar Linz, la VHSatar le burgenlanditike Romendar taj la organisacijonatar „MADHOUSE“ andar München.
Emmerich Gärtner-Horvath, ORF Volksgruppenredaktion
volksgruppen.orf.at
