Jek kris andi Macedonija le birov­tscha­gen­ge vasch „Racial Pro­filing“ uso gra­nica­kere kontrol­tscha, pana­si tschi­tscha. Dsche­ne le Romen­gere-tschu­li­pes­tar andi Ma­ce­do­ni­ja uso ar roa­si­nipe siste­ma­ti­schi pal liker­de on.

Duach aja diskriminirimi praksis, savi le schto­tis­kere pol­garen pal len­geri etnija min­den­feli­ti­kon be­hand­linel taj o tscha­tschipe upro mici­nipes­kero nah­pand­lipe dukal, o birov­tschage le Romen andar i Mace­do­nija pal te like­rel kam­na, kaj on nisaj asi­liske ando EU-ja­kere schtot­scha, schaj aun roden. O panasi tschijipe le kri­sistar ande Bitola, savo ando kise­ti­nipe le novem­be­ristar le pra­di­peske ari dim ulo, jek peripe sikal, savo duj ber­scha pal pasch­lol taj kaj jek Rom taj jek Romni pumare enke­lenca, familija­kere dschene andi Svecija kher te rodel kamnahi taj savenge, o granicakero prik gejipe vasch lengero etnija­kero telschta­minipe, na use muklo ulo. O „European Roma Rights Centre“ (ERRC) phukal:

On o jekoschne dschene ando bus sina, savendar bu­te­der sar o roasi­ni­pes­kere lila aun dikle ule. Le Rom taj la Romni o cile pekamle lila, o pal­geji­pes­kere kartschi, 2.000 Euro taj jek akaripeskero lil, sina. On na tromale ar te roasinel, o bus oni lende bajder ladija.

Read the rest of this entry »