ORF 2 Burgenland: Servus Szia Zdravo Del tuha
Sendungakero termin: Kurke., 12. aug. 2012
On demand | ORF-TVthek

O temtscha la sendungatar: jek slovenischi foroskero ladaschi Mariboratar andi Erba, Alpe-Adria-Kheliptscha Erbate, Sinowatz-Patijaripe le Farajniske Roma-Service, Sikajipe la „Simfonijatar le gondolipestar“ Betschiste, i situcija le Romendar ando Horvacko taj i presentacija la trin tschibtschakera ischkolakera mapnatar ande Kroatisch Minihof taj Schuscheva. Ando but tschibtschakero televisakero magacin le ORF-istar Burgenland, o Burgenland ande schtar tschibtscha sikal pe. I sendung „Servus Szia Zdravo Del tuha“ schovar ando bersch sikadi ol.

Termintscha 2012: 14. oktoberi, 9. decemberi

Sinowatz-Patijaripe le Roma-Service
Ando dschidovtschengero museum andi Tikni Martona o Fred-Sinowatz-visenschoftakere patijariptscha le berscheske 2011 prik dim ule. Duj le trin jerinaschendar ande pumare publikaciji o dschivipe le dschidovtschendar taj Romendar tematisirinde: duj flogoskere grupn save ando Burgenland dschin taj savendar igen but dschene le nacijonalsocijalistendar murdarde ule.

„Simfonija le gondolipestar“
„Simfonija le gondolipestar“ hi o anav jeke muschikane verkistar, savo i bibastali episoda andar i cajt le nacijonalsocijalismusistar sikal. Adaj vascho dschivipe 123 dschenendar dschal, save andar St. Johann ando Pongau taj Goldegg ledschim taj murdarde ule – jek keripe, savo te but Roma taj Sinti restscha. I simfonija le gondolipestar ando betschitiko muschikakero farajn angle terdschardi uli, le sinfonischi phudipeskere orchesteristar Pongau telal o schere Johann Mösenbichler taj Harri Stojka, savo but dschene pra familijatar ando logertscha le nacijonalsocijalistendar naschatscha.

Schtudijakero kherodipe ando Horvacko
Na dur pal, jek grupn la Flogoskera Utscha Ischkolatar le burgenlanditke Romendar ando foro Zagreb sina, peske i situacija le Romendar ando Horvacko aun te dikel. Odoj te o schajipe dija, pedar khetane EU-akere projekti te vakerel. O schajiptscha latsche terdschon, hot bojd jek burgenlanditiko taj horvacko siklipeskero projekto del, savo so duj riktschenge neve perspektivtscha pral. Read the rest of this entry »