Protestscha gejng o tel ispidipe
August 29th, 2010 | Published in Radio, Podcast & TV, Rassismus & Menschenrechte, Veranstaltungen & Ausstellungen
Radijo Kaktus / WEBRADIO oe1campus
27.8.2010, 20:00 & 28.8., 20:30 & 30.8., 11:30 orenge (on demand/mp3)
Solidaritetakeri demonstracija Betschiste
4. septemberi 2010, 14:00 orenge
anglo kher la Europitika Unijonatar
Wipplingerstraße 35, 1010 Betsch
O europitiko Romengero nevipengero necverk „Roma Virtual Network“ ar vrischdschantscha use jek solidaritetakeri demonstracija ando cile europitike vilagi. Fori sar Belgrad, Budapest, Prag taj Betsch imar use phende. Ando 4. septemberi 2010, 14:00 orenge talalinen pumen o Roma ando Paris upro „Place de la République“ gejng i tel ispidipeskeri politika andi Francija te protestirinel. I solidaritetakeri demonstracija Betschiste jek inicijativa le Romendar hi. Jek le organisacijendar i Tanja Vasić hi. Oj ando vakeripe la Gilda Horvathaha pedar o protestscha vakerel, savo anglo kher la europitika Unijonatar kerde on.
O beroteri le Romenge usar i ODIHR andar i OSZE, Andrzej Mirga, phenel, hot vasch jek „Statement“ use aja situacija butschalim ol, ham te use jek keripe likerdo iste pe ol, taj i OSZE „diplomatakere dromeske“ pe likerel. Radijo Kaktusiske phukal i Katalin Bársony, sar akan palo angle periptscha andi Francija le Romenge ando Ungriko dschal. Oj te fi fi Mundi Romani taj Duna Television ando Ungriko andar i perspektiva le lek bareder tschulipestar andi Europa phukal.
O problemtscha angolda kada kesdinen na tromtschanahi use te mukel, khera lenge te dinahi, phenel adi o Rudolf Sarközi ando „Ö1 – Im Journal zu Gast“ uso angle periptscha andi francitiki regirung. O anglebeschto le flogoskere grupnengere bejrotistar le Romendar Rudolf Sarközi eklik hajojipe uso angle gejipe le francitike presidentistar gejng o ilegali Roma-sidlungen hi, mint ov iste upre pro nipo schunel. Kekaj ham tschatschimo ada nan, pisinel „oe1.orf.at“. Sarközi o ferantvoatinipe la situacijatar le Romendar uso vilagi sar te usi europitiki unijon dikel. O vilagi iste le dschenen le tschulipendar buti den taj na loj le nischta keripeske te uschtiden. I europitiki unijon iste politischi ferantvoatinipe prik lel, te oj jek komisarijat le tschulipenge le pharipeskere punktiha Roma kerlahi. O Rudolf Sarközi ando vakeripe le Klaus Webhoferiha ando Ö1 phenel, hot i dschivipeskeri situacija la tschulipatar adaj feder hi sar avre thaneske andi Europa. (
