Radio Kaktus / WEBRADIO oe1campus
24.4.2009: on demand (mp3)

„O pal gondolipe o khetanipeskero drom hi“

Telal o alav sensibilisrungakeri buti gejng o rasismus taj avrethemengereskero tel dschumipe terdschino ada bersch uso gondolipeskero mulatintschago anglo gondolipeskero than le Romenge taj Sintijenge ando Salzburg. Organisirt ulo o gondolipeskero mulatintschago le Kulturakere farajnistar le austritike Romendar, le Farajn Ketanistar Linz sar le Friedens-bürojistar Salzburg. O prolog le ischkolaschendar la bundesanstaltatar la tschavengera pedagogikake Salzburg jeka pischotakera muschikaha usi Romengeri hymne Gelem, gelem le nipo odoj igen vodschkane kertscha. Te tekstscha le Stefan Horvathistar gende ule, save Auschwitzatar, le dschivipestar le Romendar taj Sintijendar taj la deportacijatar phukan, phukal i Isabel Bairamijamel. Read the rest of this entry »

14. prik astariptscha upro Roma ande 16 masektscha

Ando Ungriko papal jek murdaripeskero prik astaripe upre jek dscheno andar i Romengeri flogoskeri grupn kerdo ulo. Ov ojs „Mursch oni fajndscha“ prindschardo sina. O Rom jeke na prindscharde teteristar ando kolin kartschi dim ulo, kada ov andi rat upro tscheterteko andar pro kher ando nord ostitiko ungriko gav Tiszalök ari geli, pisinen o ungrike mediji adi ando anav le harengerendar. Jek verda ando paschipe diklo ulo. O Rom le birostar Sandor Gömze ando vakeripe le internet-portaliha „index“ ojs „Mursch oni fajndscha“, savo „nisaj matschinake valaso kertscha“ otscha terdschardo ol. Ov pedar 20 berscha ande jek pasche paschlimo kemijakero verk buti kerlahi. Read the rest of this entry »