Gondolipe ando Salzburg taj projekto Thara
April 26th, 2009 | Published in Einrichtungen, Geschichte & Gedenken, Radio, Podcast & TV, Veranstaltungen & Ausstellungen
Radio Kaktus / WEBRADIO oe1campus
24.4.2009: on demand (mp3)
„O pal gondolipe o khetanipeskero drom hi“
Telal o alav sensibilisrungakeri buti gejng o rasismus taj avrethemengereskero tel dschumipe terdschino ada bersch uso gondolipeskero mulatintschago anglo gondolipeskero than le Romenge taj Sintijenge ando Salzburg. Organisirt ulo o gondolipeskero mulatintschago le Kulturakere farajnistar le austritike Romendar, le Farajn Ketanistar Linz sar le Friedens-bürojistar Salzburg. O prolog le ischkolaschendar la bundesanstaltatar la tschavengera pedagogikake Salzburg jeka pischotakera muschikaha usi Romengeri hymne Gelem, gelem le nipo odoj igen vodschkane kertscha. Te tekstscha le Stefan Horvathistar gende ule, save Auschwitzatar, le dschivipestar le Romendar taj Sintijendar taj la deportacijatar phukan, phukal i Isabel Bairamijamel.
Rudolf Sarközi, schero le Kulturakere farajnistar le austritike Romendar, ande pro vakeripe upre sikatscha, hot ande Europa nisaj di fadschal, kaj Roma taj Sinti na le pedar astaripenca vaj le maripeha konfrontirim on. Heinz Schaden, biro le forostar Salzburg, ande pro vakeripe phenel, hot manuscha del, save meg mindig murdajipe gejng o Roma taj Sinti kernahi. Nicole Sevik, schero le Farajnastar Ketani Linz, phentscha, hot duach o dschivipeskere cajtakere ceugn o tirinipe la Romengera flogoskera grupnatar akan erscht muj uschtiden. Gudrun Mosler-Törnström, thaneskeri presidentkija andar Salzburg, igen sorali resti sina taj ando anav le thanestar fadipe mangla fi o cilo sa, so la Romengera flogoskera grupnake kerdo ulo.
Thara – cidel maschkarutni bilanc
O „Volkshilfe Österreich“ projekto „THARA – Roma/Romnija ando transitcijon“ imar akan le Romendar prindschardo hi. Terne taj te bare muken pumen vaschi butijakera perspektivjatar te berotinel. Terne Romenge maschkar 14 dschi 25 berscha uso rodipe vasch jek siklipeskero than pomoschim ol. Andar i aktujeli maschkarutni bilanc le projektistar pomoschim ol 50 Romenge ando projekto. Akam muguli o projekto ojs „Know-How-Pool“ avre institutendar lim ol. I cukunft le projekistar ham niko na dschanel kekaj o projekto asaj latscho hi. O aktujeli pomoschago le ministerijumistar la butjake taj socijali ando ar le augustistar ar naschel. „Amen dosta buti hi taj sako di neve palal phutschajiptscha del te le Romendar taj te avre institutendar“, phenel i Claudia Schamanek, projektiskeri vodaschkija andar THARA – Roma/ Romnija ando transitcijon ando vakeripe la Gilda Horvathaha.
