O bibastalo tradipe so i Francija le Romenca kerel te upri Svecija schaj pe ar virkinel. Kaj o Roma andi Svecija ande te phirel troman, o thana, save adi imar tschule hi, le ladaschenge mindig tschuleder on. O problemo ando terno linaj schaj bibastalo ol, phentscha o Daniel Huber, presidento le kerekoskere khetanipestar le poschtitostar, o interesengero fatretinipe le svecijakere ladaschendar. „Te o Roma ando terno linaj pumare dschendengere-terdschojipeskere thana andi Francija pal pumende mukle, akor buteder eseri lendar te andi Svecija schaj roasinahi.“ O svecijakere ladaschtscha mangen le birovtschagendar sik jek rejakcijona.

Jenische taj Roma andi Svecija

Andi Svecija ando linajengere masektscha maschkar 3000 dschi 5000 ladaschtscha usar jek than uso ka ciden. Adala buteder Jenische ham hi, save andar o nimtschko tschibtschakero than an. O kerekoskero khetanipe gondolinel, hot o gendo le Jenischendar andi Svecija valami 35.000 hi – but lendar ham na ciden. Avrijal sar o Jenische hi o ladaschtscha andar i Francija o Roma hi. On vakeren i tschib Romani vaj Romanes taj andar i Indija an. Adi butvar andar i Rumenija andi vest Europa phiren. O Huber phenel, hot o gendo le Romendar andar i Francija jek schecinipe hi. Tschatsche gende, kitschi Roma adi andi Svecija dschin, na paschlon angle. O scheciniptscha dschan usar 30.000 dschi 80.000. I flogoskeri grupna na ol registririm, butschol uso bundakero birvotschago la migracijonake upre jek phutschajipe. Hot valaso nan afka sar lo te ol, na del.  Read the rest of this entry »