„Sinti taj Roma phenen, sar o khetan beschariptscha ar ditschon“

Akan i cajt adaj hi: Ando arto kurko i website le RomAr­chi­vistar, le digi­tali archi­vistar le Sinti­jendar taj Romen­dar, ando pradipe dschal. Vascho­da andi aka­de­mija la kustatar upro Pariser than ando foro Berlin o kultu­ra­kero fes­tiva­lo „Performing RomArchive“ tel liker­do ol, savo ande artschi­jiptscha, kon­certscha, po­di­juma­kere dis­kusiji taj genip­tscha, o kerip­tscha taj i kultura le Sinti­jendar taj Romen­dar, ang­le ter­dscharel.

O ande Berlin kerdo RomArchive dschi­ja­kana o lek bare­der inter­nacijo­nali kultu­ra­kero pro­jekto le Romen­dar hi. Ando masch­karut­no jeneri o digi­tali archivo, savo bara vojaha uschar­do ol, online dschal, jek fes­tiva­lo („Performing RomArchive“, 24.–27. jeneri 2019) o pra­dipe vo­dinla. Konci­pirim ojs virtu­jeli museum kam­la RomArchive le kunsta­kere kera­schen­ge taj la kultu­rake le Romen­dar, akan jek dikipe te del, savo lenge use terdschol. „Amen sajt but schel­ber­scha adaj sam, amen mindig jek fa­lato la kinstle­ren­gera pro­dukc­ijo­natar sa­mahi – ham ada na ulo esbe lim“, afka i Nicoleta Bitu, Romen­geri-ak­tivistkija andar Bukarest taj angle­be­schasch­ki­ja le bajro­tistar.

Dugeder sajt trin berscha valami 150 aktertscha, ku­ra­tor­kiji taj kura­tortscha, kunsta­kere kerasch­tscha taj eksper­tscha, Roma taj gadsche, sa bari­kane dsche­ne, uso upre bau­ninipe le khetan kedi­pestar butscha­linen. Ando RomArchiv kunst andar o cile falati te dikel dela, muschi­ka, kheli­pe, teateri, lite­ra­tura taj sikadi kunst, bul­hardo histo­rischi doku­men­tenca taj visen­schoft­lichi teks­tenca. „O bar­valipe jeka dschi­ja­kana andi adive­ses­keri cajt dschiv­da taj min­den­felitika kul­tu­reli pro­duk­cijo­na­tar, savi vuske la euro­piti­kaha khe­tan phandli hi, ando pra­dipe te dikel ovla“, butschol ando pro­jek­tos­kero pisi­nipe. Duach o phu­kade histo­riji afka jek, le cilenge use geji­pes­keri, tscha­tschi dscha­ni­peskeri kvela pedar o Roma dela, savi usi the­mes­keri re­feren­ca te ol. „RomArchive“ ojs pro­fe­sijo­neli upre bu­tscha­limi sele­tos­keri forma la ajgeni pre­sen­taci­jatar pe dikel. O uscha­riptscha le ar­chivos­tar, savo bute­der te ol kamla sar jek kultu­ra­kere data­keri banka, utsche hi.

2020 kisetinel o le 3,75 milijoni Eurojenca dotirimo pomo­schago duach i Kul­tu­ra­keri Schtif­tung le Bundistar – taj te i or­gani­sa­tori­schi buti le duj inici­ja­tor­ki­jen­dar Franziska Sauerbrey taj Isabel Raabe. Akor o Euro­piti­ko Ro­men­ge­ro-Ins­ti­tu­to la Kunsta­ke taj Kultu­rake (Euro­pean Roma Insti­tute for Arts and Cul­ture/ERIAC) le beschi­peha ande Berlin, o ledschi­pes­kero schero hi. „Usar o kes­dipe dschan­do sina, hot amen tschak i ang­lutni buti keras“, phe­nel i Raabe. „Sinti taj Roma phe­nen, sar o khe­tan bescha­rip­tscha ar ditschon.“

→ blog.romarchive.eu

(RU/dROMa)

ando: dROMa 54 (2018): „Nochbertscha“

Tweet