Radijo Kaktus / WEBRADIO oe1campus
21.3.2011 (on demand / mp3)

Pal informaciji andar o „European Roma Rights Center“ (ERRC) taj andar „Amnesty International“ ando Ungriko gav Gyöngyöspata sajt duj kurke saki rat dschene la „Ungarischen Gardejatar“ upre phirien taj gejng o „Roma protestirinen.“ O biro le gavestar, jek gemajnde upri suditiki rik la Matratar ando nord le Ungrikostar, le rechtsradikali „polgarerengere nimicen“ akartscha. Maschkar pantsch schel taj eseri „Gardisten“ sako di taj saki rat ando gav hi, hokonenca taj avre kojenca, le Romenge dschi andi bota ham te le tschavenge upro drom andi ischkola, palal dschan. Poar dschene la „Gardejatar“ muguli ande jek lokali ischkolakeri klas ande gele, taj pumare bibastale paroltscha vrischtschande. O harengere, afka phenel o ERRC, odoj hi ham jek direkti konfrontacija la „Gardejaha“ na del, dschimeg „konkreti prik astariptscha“ na angle peren.

I Ágnes Daróczi, ledschaschkija le europitike polgarengere tschatschipeskere patijaripestar le Romendar taj Sintijendar 2010, phukal ando vakeripe la Gilda Horvathaha la sendungake Radijo Kaktus pedar i bibastali situacija ande Gyöngyöspata. „O manuscha daran, ari te dschal. Andi rat skandirinel i Garde bibastale paroltscha, divese le Romenge palal naschlo ol taj tel dikle le on. I Ungarische Garde le Romen provocirinel, sajt poar kurke kovle len keren. O Roma adaj na kamna pumen te provocirinel te mukel taj mirne atschon – ham saj dur meg?“ Read the rest of this entry »