„Berlinale-star“ i rupuni medva biknel

Januar 26th, 2017  |  Published in Film & Theater

Presiträger der Berlinale 2013 (Foto: Berlinale)O schauschpileri Nazif Mujić, savo usi Berlinale ando bersch i ru­puni medva usch­ti­dija, iste la vasch lojen­geri briga bi­ken­tscha. O kar­tschen­ge­ro khe­la­schi Senadin Ćosić 4.000 Euro le va­sche dija. Mujič an­do film „Aus dem Leben eines Schrott­samm­lers“ mit khel­tscha.

Igen pha­ro leske pelo la otscha te del, phe­nel ov la AFP-ake. „Ham mre tscha­ve imar trin di nisch­ta te hal sina.“

Na dur ando udut ojs schauschpileri

Nazif Mujić, Rom andar i Bosnija, savo sras­ta­schen­gero khe­daschi hi, ando bersch 2013 jeka rola­ke ando film „Aus dem Leben eines Schrott­samm­lers“ i ru­puni medva usch­tidija. Ov ham na dur ando udut ojs schau­schpi­le­ri terdschi­no. Mujić akan ojs srasta­schi butscha­li­nel taj ando di vala­mi 3,50 euro ande lel, sa­venca pre tscha­venge tschulo habe usch­tidel. „Me mro phuro verda biken­tschom, taj poar avre koji taj akor i rupu­ni medva“. Palo­da mri briga so man hi, usi Berlinale phu­ka­tschom.

Ćosić 4.000 euro leske potschintscha

Mujić i rupuni medva ando internet 5.000 euro­jenca aun bitin­tscha. O Sena­din Ćosić 4.000 eseri euro­jenca la akor usch­ti­dija. „Me na som khe­daschi, me i rupuni medva tschak kin­tschom , le Nazifiske te po­mo­schi­nel“ phe­nel o Ćosić. „Ov nasva­lo mursch hi, savo pre tscha­venge habe iste khinel.“ Ćosić, kam­ka akani i rupuni medva jeke muse­jumiske te del.

(volksgruppen.orf.at)

Siehe auch:
Berlinale: Das Leben der vier Mujićs, 15.2.2013
Berlinale-Star vor Abschiebung, 26.1.2014

Leave a Response