Ande jek baro internacijonali kopera­cija­kero pro­jekto kamla i kultu­ra­keri schtif­tung le bun­desis­tar jek digi­tali archiv le dscha­ni­pestar la kultu­ra­tar taj kuns­ta­tar le taj pedar o Sinti taj Roma andi europa te ent­vik­li­nel. Vodim infor­maci­jatar- taj kul­tura­kere mula­tintscha­gen­dar ando ber­scha 2015 dschi 2019 jek inter­naci­jo­nali khe­tan kedipe kuns­ta­tar andar o min­den­feli­tike koji khetan ke­dim on.

Oj duach historischi taj privati doku­mentscha, savi i historija taj i adi­veses­keri cajt le Sinti­jendar taj Romen­dar phu­kan, sar te upre visen­schoft­lichi posi­ci­jontscha arbul­hardo lo te ol. Afka o schel- ber­schen­gero phuro bar­va­lipe use jek dschiv­de kuns­ta­kere taj kultu­reli pro­dukci­jont­scha le pra­di­peske prado te ol, savi te igen sorale la europ­tika histo­riha phandli hi. 3,8 mili­jontscha euro va­sche otscha dim on.

Cilon otscha dija o schtiftungakero rot la kulturakera schtiftungatar use pro khetan beschipe 23,6 milijontscha euro neve kultureli keripenge, telende but musejumiskere projektscha.

(dROMa, prik bescharipe: Josef Schmidt)

O kedveschno dad Franziskus kamla jek talalinipe jeka grupnaha Romenca: Ando 14. decemberi uso aun phendo khe­ro­dipe la khan­ge­ra­kera gemajn­datar San Giuseppe all-Aurelio andi ostitiki foros­keri rik ando Rom ov dsche­nenca le Ro­men­dar khetan perla, kaj te i gemajndi le dsche­nenge igen but pomo­scho­ninel. Imar ando april o Franzis­kus jek gemajn­di khe­rodija savi upri foros­keri rik sina. But esertscha Roma ande blecho­schne khera andi pe­ripherie dschin. Sar ando kesdipe le novemberis­tar te schu­nel sina, i EU-akere ko­mi­si­jona la Itali­jake jek arkeripeskero dukajipe vasch i (pe­dar o berscha upri basis le „Noma­den-Plan“istar sa ker­do ulo) poli­tika la segre­gacijo­nake le Romen­dar fogo­sintscha. La ita­lija­kera regi­runga­tar mang­lo ulo, hot la EU-ake­re komi­sijo­nake bu­te­der infor­ma­cija pedar i aktu­jeli atschi­pes­keri situa­cija le Romen­dar andi Italija, te ando Rom, prik dim te ol.

(dROMa)