„Moro kujbo ande ćire bal“
Mai 23rd, 2011 | Published in Ehrungen & Nachrufe, Literatur & Bücher, Radio, Podcast & TV, Romani, Veranstaltungen & Ausstellungen
Radijo Kaktus / WEBRADIO oe1campus
16.5.2011 (on demand / mp3)
I nobeliskeri patijardi ledschaschkija Elfriede Jelinek pisintscha o alav usi nevi ar dimi taj lejcti khetan terdschardi poesijakeri kenva le Ilija Jovanovićistar: „Mein Nest in deinem Haar – Moro kujbo ande ćire bal“ andi edicijona Niemandsland (Drava Verlag).
Ando lejcti terno dschend o prindschardo Romengero poesijaschi Ilija Jovanović Betschiste mulo. Ov jek poesijaschi sina, savo le manuschengere vodschtscha micinlahi. O „Drava Verlag“, i „Grüne Bildungswerkstatt Minderheiten“ taj o farajn Romano Centro use jek patijardo kirati le Ilija Jovanovićistar akarde. Telal i moderacija le Thomas Buschistar, i Ursula Hemetek (etnologkija), o Mozes Heinschink (lingujisto), i Alev Korun (rotkija uso nacjonalrot, o selene), i Christa Stippinger (angle beschti ando farajn Exil) taj o autori taj poesijaschi Peter Paul Wiplinger ando erschti falato le kiratistar ande vakeriptscha pedar o verk le Ilija Jovanovićistar donde pumen bescharde. O dujto falato le kiratistar la poesijake vidmim sina. I Sandra Selimović (schauschpilerkija) taj i autorkija Cécile Cordon andar i nevi poesijakeri kenva le poesijaschistar gende. I Ivana Ferencova pre barikane Romengere dschijenca uso genipe use sina.
