Pal jek harno nasvalipe o ba­ri­ka­no prindschar­do mu­schi­ka­schi taj cajtakeri ceuge Christoph Gärtner-Horvath an­do 88. dschi­vi­pes­ke­ro bersch mulo. Gugi, sar le o Roma prindschar­na­hi, pra Ro­ma­na ban­daha uso 1. Ro­ma-Ball 1991 an­do OHO Er­ba­te, i kultu­ra taj tra­di­ci­ja la flo­gos­ke­ra grupnatar le Ro­men­dar up­re te dschil mukla.

O Christoph Gärtner-Horvath ando bersch 1933 andi Tikni Boslina ando suditi­ko bur­gen­lan­di­tiko becirk Erba upro them alo. Palo muli­pe les­kera dajatar ov use pri baba taj papu upre bar­tschino. 1941 ov taj dschene les­kera famili­jatar ando Ungri­ko pu­men tschite; leskeri baba taj leskero papu taj duj phrala lestar ando loger­tscha ledschim ule taj odoj mur­darde len. Palo ande lipe le nimtsch­ke nim­cendar 1944 le Ungri­kostar, les­keri fami­lija ando nor­ditiko ungriko lo­geri Komárom ledschim ule. Les­kero dad ando loge­ri Buchenwald pelo. 1945 leskeri fa­milija papal khetan pele taj andi Austrija pal gele.

O Christoph Gärtner-Horvath paloda ojs jek barikano prindschardo mu­schi­kaschi andi cili Europa butscha­lintscha. Ov o kon­serva­to­rijum taj i muschi­kakeri aka­de­mija Betschiste khero­dija taj kise­tintscha. Pa­loda ov buti ande jek banda ande Düsseldorf usch­tidija. Deschu­duj berscha dur o Gärt­ner-Hor­vath and Rust am See sina. O Gugi sar le o Roma akar­nahi use jek bari­kano inter­na­cijo­nali muschi­kaschi ulo. Leske droma andi Svecija, Bari Brita­nija le ledschine. Ov meresch upri aja cajt ande Bahrain vaj Davos pal­gon­dolin­lahi. Igen meresch ov pedar o prindscha­ripe la Romy Schnei­de­ratar la dranini­pes­kera but­jatar „Sissi“ phu­kavlahi.

(Text: Emmerich Gärtner-Horvath/volksgruppen.orf.at)

→weitererzaehlen.at (Roma-Service)
→Amari Historija – Burgenländer erzählen

Tweet