O Prageriskero-korespondento Bernhard Odehnal konstatirinel ando Svecijakero dijeskero papruschengero nevipe „Der Bund“ jek bibastalo utscharipe rasisitischi prik astaripestar gejng Roma ando ost Europa. Ando pisintschago del pe ov upro rodipe pal o koji – taj perel (ov na dikel upro rasistischi gondi taj upro ekstremistitike tradiptscha le dschenendar) uso phariptscha ando khetan dschivipe jeka marginalisirima taj vaschoda „problematitika“ flogoskera grupnaha. „O rasismus gejng Roma andi Tschechija, andi Slovakija, Rumenija taj ando Ungriko mindig buteder ol. Neonacis tschiden thabojipeskere koji taj murdaren, o avre dschene ando va tschalan, kaj lenge oda tecinel. Na lakle o probalintschage la integracijatar o drom?“, phutschel o pisimaschi – afka sar te odola ovnahi o „na integririme“ Roma, save i prik astaripeskeri vela angle vrischtschande, taj na o neonacis, save len murdaren. O pisintschago, savo pedar duge droma igen latsche te genel hi, laken tumen ando cilon adaj.

Tweet