volksgruppen.orf.at: 1127 fartretertscha le thaneskere söbst favojtungendar le ungrike Romendar talalinen pumen ando merc use jek nacijonakeri konferenca. O Roma usi konferenca pedar o temtscha buti, sikadipe taj sicherhajt vakerna, phenel o Orbán Kolompár, anglebeschto le thaneskere söbst favojtungendar le Romendar (OCÖ). Idsch likertscha o Orbán Kolompár vakeriptscha vascho feder keripe la situacijatar, taj le Romane organisacijendar mangla, hot on pumaro falato use te keren. Ando arti divesa o tradipe gejng o Roma ando Ungriko mindig bibastaleder ulo. O nacijonalistscha astaren pumenge ando na sorale socijali falati völinipeskere hangi, angle asdija o Romengero anglebeschto. O Orbán Kolompár mukel pal te gondolinel upro alava le FIDEZ anglebeschaschistar Viktor Orbán, savo phentscha: „Na del nisaj Romengero and phageripe ham kriminijeli Roma del.“ Asaj vakeripeha o Viktor Orban o tradipe gejng o Roma soraleder kerel, phentscha o Kolompár. „Sako, savo asaj alava ando muj lel khelel pe la jagaha“, phentscha o Kolompár use.

Tweet