Roma sam
Radio Burgenland: 23.2.2009 20:40 orenge

Pujsto kher Farajn Roma Erba

O kher le Farajn Roma Erbatar imar igen pujsto hi. Thana del kaj muguli o paj annde fojnel, phenel o dujto schero Johann Baranyai. O kher, kaj o Farajn Roma pri buti kerel, la thaneskera regirungatar uschtidija. Sajt 14 berscha o ischkolakero pomoschago pali ischkola taj o berotintschago le Romenge aunbitim ol. Akan ham o kher nevo iste kerdo ovlahi. Dschidokle ham jek avro kher pekamlo ol, phenel o Johann Baranyai o dujto schero ando vakeripe la Susanne Horvathiha.

„Auschwitz ist mein Mantel“

I kinstlerkija Ceija Stojka cajtakeri ceuginkija hi taj fabutschalinel but terdschiviptscha ando kipi taj tektscha. O farajn „Exil“ khetan kertscha o kipi ande jek nevi kenva. „Auschwitz ist mein Mantel“, afka butschol i kenva. „Auschwitz ist mein Mantel“, sina te o anav lakere lejcti artschijipestar taj te o kinstlerischi drom sikal la cajt ceuginkijatar. Stojka phentscha, hot lake barikano hi, o tschatschipe na te merel te mukel taj asaj but manuschenge sar dschal bajder te del. Gilda Horvath vakertscha laha.

Ceija Stojka kherodel ando 3. merc papal o ischkoli ando Linz ando keripe le projektistar „Es Gärt!“ gejng rasismus taj avrethemuntnegero tel dschumipe. O projekto „Es Gärt!“ keren i „Friedensinitative“ le forostar Linz taj o than le manuschendar.

Emmerich Gärtner-Horvath, ORF Volksgruppenredaktion
volksgruppen.orf.at, 23.2.2009

Tweet