Radijo Kaktus / WEBRADIO oe1campus
4.9.2009, 20:00 & 5.9.2009, 20:30 orenge

Andar o valami 5.000 Betschitike Dschidovtscha, anda terno dschend 1942 buter tschak 615 dschivnahi. Kada o ghetto ando Łódź ando august 1944 upre putrim ulo taj o cile dschene Auschwitz pele, dschivnahi tschak valami 300 dschi 400 le Betschitike Dschidovtschendar. I selekcijona ando Auschwitz, i phari buti ando mindenfelitike logertscha meg but manuschen murdartscha. Tschak 34 le ando Łódź deportirti Betschitike Dschidovtschendar o logeriskero putripe ando August 1944 terdschivde. O Rudolf Sarközi uso gondolipeskero mulatintschago use sina taj la Gilda Horvathake ando vakeripe phukal, soske la forschinipeskera butake meg cajt pekal taj pedar oda akan te jek Romengero gondolipeskero bar ando Łódź te ol.

Thara – Kesdipe neve biroha  

O butschakero foroskero politischi projekto „Thara − Romnija/Roma ando Transition“ ando ar le augustistar kisetim ulo, ham tschak vaschoda kaj schaj neve anaveha bajder kerdo ol: „Thara: Berotinipe taj Dijalog“ savo imar pra butaha prindschardo hi akan ando 1. septemberi 2009 kesdinel te jek pharipeskero punktoha ando internacijonali khetan butschalinipe. Amen jek nevo biro hi, ham amari buti keras pal amare latsche principjen, phenel i Lydia Anstiss. (volksgruppen.orf.at)

Tweet