Le lek bare­der tschu­lipe andi Europa tschak tschule vake­rasch­tscha hi. O farajn „Amaro Drom“ ande pe leske bescha­rel. Ande Kreuzberg nevo than pratascha taj le tel­di­ki­pes­kere kojenca upre te schu­scha­rel kamla.

Terne Sinti taj Roma te sorisarinel

„Barikano hi, hot o perspektivtscha le terne Sintijendar taj Romen­dar akan pradipe uschti­den taj na tschak mindig peder lende vaker­do ol“, phenel o projektos­kero schero Anna Friedrich. Le faraj­niske „Amaro Drom“ igen bari­kano hi, le terne Sinten taj Romen te sori­sa­rinel. „Tumen nisaj kultura hi, tumen tschak dromes­ke san, tumen na keri­nen ande amaro kheta­nipe. Oda hi, so o terne Roma mindig te schunel uschti­den“, phenel o angle beschto Merfin Demir. Kaj ada cil kise­tim te ol, jek projek­to kesdim ulo. „Dikhen amen“! „Seht uns“! – ando prik bescha­ripe bu­tschol. Ande workshops terne Sinti­jen­ge taj Ro­menge siklim ol, sar on pumen le anti­ciga­nis­musiske te sen­si­bi­li­si­ri­nen taj sar on avre terne manu­schen upre schaj asden, kaj on use pumari identi­teta te terdschon. On akor ojs multipli­ka­tortscha ande birov­tschage le ter­nenge te dschan taj o baj­der sika­dipe te orga­ni­si­ri­nen.

Buteder informacija telal: http://www.amarodrom.de

(volksgruppen.orf.at)

Tweet