Rupuni medva le Romane vestleriske „Aferim!“

Februar 27th, 2015  |  Published in Film & Theater, Geschichte & Gedenken

Regiepreis für Aferim in Berlin (Foto: Silviu Ghetie)„Kaj le te hajoas, so le Romenca andi Rumenija kerdo ol, iste pal dikes.“ (Radu Jude)

Ostistiki Europa, 1835. Duj prastartscha ande bareskero than, masch­karut­non andi Valachaj. O haren­gero Costandin taj leskero tschau. Khetan on roden jeke „Zigeuner­sklaven“, savo pre boja­renis­tar naschi gelo taj muguli leskera dschuv­lahi pe te kam­tschahi. Kada o Costandin saki situa­cija godschar vake­ripeha komen­ti­rinel, dikel o tschau palgon­do­lipeha upro vilago. Dro­meske on minden­feli­tike nacijo­na­lite­ten­gere taj min­den­feli­tike patschni­peske manu­schen resen: Turkitike taj rustitike, christen taj dschi­dovtschen, rumenitike taj ungrike. Upre sake riktscha tel dikiptscha del, on gene­racija fi gene­ra­ciji bajder dim on. Taj kada o „Sklave“ Carfin laklo ulo, te akor meg i dromes­keri roas na ar sina.

Jek upre historischi dokumentscha taj dschila paschli parabel pedar o rajipe ande Europa, bar­va­lipe taj hirachija, o söbst- taj o nap­rin­dschardo kipo le flogen­dar, o keripe le tschu­lipenca taj o konflik­tscha , save andar bartschon. Jek balka­nis­kero vestleri ande kalo / parno kipo, savo i kaka­fonija la cajtatar dschiv­don kerel taj i tema­tischi karika dschi andi adive­ses­keri cajt tschalal.

O film, khetan la polnitika produktcijo­naha „Body“, la rupuna medvaha la lek feder reschi­jake pat­jardo ulo.

(Berlinale 2015)

Comments are closed.