Roma sam
Radijo Burgenland: 8.12.2014 (on demand)

volksgruppen.orf.at: „Amari Roas – Unsere Reise“ jek projekto hi, savo i histo­rija taj i kultura la flogos­kera grup­na­tar le Romen­dar le minden-felitike akti­vi­te­tenca taj sika­vi­pen­ca, sikal. O farajn KARIKA Roma- taj Sinti-muschikaschtscha portre­ti­rintscha, save pumen, pumare keri­peha la flogos­kera grup­nake andi scena be­schar­de. Upro kinst­le­rischi than on pumare dscha­ni­peha use ledschen, hot o rasis­musis­kero- taj diskri­mi­na­cija­kero gendo tschu­leder ol taj jek dia­logo taj jek sele­tos­keri forma usi integra­cija la flogos­kera grup­na­tar le Romen­dar kerdi te ol.

O barikano hegedujaschi – Alois „Zipflo“ Weinrich

Alois „Zipflo“ Weinrich (website), dscheno jeka Sinti familijatar hi taj ando kamlo phuri­pe ofto ber­schenca, i hege­duja te cidel sik­lino. Eknaj paloda te i bumba te cidel sik­lino. Palo sik­lipe pre papus­tar, ersch­ti­var pre dadeha Joschi Weinrich taj avre fami­lija­kere dschen­ca cidlahi taj kada lo deschu­pantsch ber­scha phu­rano sina, pro erschti kon­certo ando Betschi­tiko „Jazz Land“, dija.

Dscheno le ternengere lobdakere khelipeskere teamistar

O Zipflo, erschtivar jek lobdakeri khelipeskeri karijera an­de tschala­tscha taj usi FK Austria Wien ando ter­nen­gero team khela­hi. O Alois Weinrich te dscheno le ter­nen­gere lob­da­kere kheli­pes­kere teamis­tar sina, kaj ov trin khe­lip­tscha la austri­tika nacijo­nake kise­tintscha. Ov 1983 pal jek pharo duka­jipe pri schpurt­le­ris­keri karije­ra kise­tintscha taj upro te cidel pe kon­centri­rintscha.

2001 o Zipflo Weinrich ojs „kinstleri le berschestar“ le foros­tar Betschi taj 2009 uso lek feder „Jazz-he­gedu­jaschi“ andi Eu­ropa uso fes­tivalo andi Slo­vakija, patijardo ulo. Bute­der pedar o Alois „Zipflo“ Weinrich, schu­nen tumen andi sen­dung Roma sam upro Radijo Bur­gen­land.

(volksgruppen.orf.at)

Tweet