Radijo Kaktus / WEBRADIO oe1campus
23.7.2010, 20:00 & 24.7., 20:30 & 26.7., 11:30 orenge (on demand/mp3)

Ando 12. juli 2010 presentirintscha o Florian Freund khetan le thaneskere scheroha Josef Pühringer ando mulatintschagoskero baro kher le uprutne austritike thaneskere archivestar i kenva „Uprutni Austrija taj o ,Zigeuner‘-politik gejng jek tschulipe ando 19. taj 20. schelberschengero“. O pisimaschi, historikeri, universitetakero docento upro instituto la cajtakera historijake la universitetatar Betschi Florian Freund vakertscha la Gilda Horvathiha ando vakeripe le radijo Kaktusiske pedar i dugi historija le tradipestar taj upre pisinipestar le Zigeunerendar taj so andar oda, akan adala cajtake schaj siklim ol. „Bekämpfung der Zigeunerplage“ butscholahi ando birovtschagengero vakeripe o tradipe le Zigeunerendar. Kekaj lengero gendo andi Uprutni Austrija ando 19. taj 20. schelberschengero tschuleder sina, meg mindig phure koji le manuschender taj i dar „le“ Zigeunerendar i basis la oficijeli politikatar sina. Ando nacijonalsocijalismus o gauiskere schere i politischi situacija uso ari dschumipe le „Zigeunerendar“ andar o khetanipe, uso ande tschapinipe ando logeri Weyer-St. Pantaleon, usi mujsinipeskeri buti taj deportacija nucinde. Bojd o cile andar i Uprutni Austrija deportirime Zigeuner ando gheto Łódź mule vaj ando logeri Kulmhof le gasiha murdarde ule.

Verlag des Oö. Landesarchivs
ISBN 978-3-900313-97-5
360 Seiten, 35,00 Euro
Bestellung: 0732/7720/14601
oder per E-Mail: landesarchiv@ooe.gv.at

Tip: Ladipe le Romendar Cejiste
Kurke, 8. august 2010, 10:00 orenge
Talalinipeskero than: Upro than angli Basilika/Cejiste
Pali mischa del jek talalinipe; St. Lambrechter-than taj i projektoskeri presentacija „Mri Historija“ taj muschika  le bandenca Stefan & Julia Kelemen taj Sandor & Friends.

Josef Schmidt, ORF Volksgruppenredaktion
volksgruppen.orf.at