Le schtotengere lojenca andi Polnija Romengere familiji andar pumare sidlungtscha ande neve khera telal o polnischi dschene prik sidlim te on. I regirung adaj o schajipe usi integracija le etnischi tschulipestar dikel taj adale kojha o kisetinipe le Romengere ghetojenca andi Polnija te kerel kamla, pisintscha i „Gazeta Wyborcza“.

I inicijativa adale prik sidlinipeskere programistar le khetanipestar le Romendar andi Polnija hi. Lengere fatretertscha phenen, hot meg buteder loj le pomoschagoskere fondsenge ande Romengere ghetos nisaj nevipe na anel. Vaschoda o ministerijum le favoltinipeske taj la digitalisirungake, savo te le tschulipenge butschalinel, gemajnden loj te del kamla, save le Romengere familijenge khera te kinen vaj te bauninen. O gemajndi le Romenge uso butjakero rodipe te pomoschinen, o tschavore sikadipe te uschtiden taj te upro sastipeskero pomoschago te diken.

Read the rest of this entry »