Roma sam
Radijo Burgenland: 29.3.2010, 20:40 orenge (on demand)

Palo projekto „Mri Historija“ (buteder) imar upro neksti projekto le anaveha „Amari Historija“ butschalim ol, phukal o Emmerich Gärtner-Horvath la Susanne Horvathake la sendungake Roma sam upro radijo Burgenland. Jek videjoakero uprelajipe taj dokumentacija 15 terdschivipeskere historijengere phukajiptschendar, 5 Romendar taj 10 gadschendar, le generacijonendar 1920-1960, sar 3 uprelajiptscha dujengero vakeripeha – mindig jeke Romeha taj jeke gadscheha, planim hi. „Mri Historija“ i andrutni perspektiva le Romendar udutintscha, o projekto „Amari Historija“ ham pro dikipe upri avrutni perspektiva le Romendar taj gadschendar te sikal. Ada barikano hi, hot odole dschenenca vakerdo te ol, phenel o Emmerich Gärtner-Horvath, schero andar o farajn Roma-Service, savengere dschivipeskere historiji odole Romenca mindig pumen prik tschintscha – ojs nochberi, butschaschi, gemajndakero politikeri, agune nimci, vaj ojs viderschtaundiskero kejmpferi. Le projektiha „Amari Historija“ taj le ar ajipeskere produktiha uso upre bauninipe jeke khetane dijalogistar pomoschim te ol. Dschi ando bersch 2011 i buti kisni te ol.  (volksgruppen.orf.at)

Tweet