Roma sam
Radijo Burgenland: 22.3.2010, 20:40 orenge (on demand)

Mozes Heinschink

O tschibtschakero visenschoftleri Mozes Heinschink (dROMa-Blog) imar ando 1950 duach o thana cidija, i tschib taj o dschila le Romendar te forschinel. O phure Roma andar o Burgenland latsche le prindscharnahi, le tikne Betschitike pre vakeripeskere talentiha la Romana tschibtschaha Romanes. O Mozes Heinschink angle poar divesa Tenu Erbate ando „Café Hoppala“ sina, mint papal butscholahi: „Guten Abend bei uns“.

Imar ando 50er berscha ov upro austritike thana (lek feder ando Burgenland) dromeske pe kertscha taj le dschenen save o holocaust prikdschivde kher te rodel. Mindig peha lim sina, jek uprelajipeskero geret. O Roma le forscheriske pumaro vodschi prade taj o pamaristscha, dschila taj avre tradiciji leske phukade. Afka ando duge berscha but kedipe hangoskere dokumentendar adaj sina, save o Mozes le „phonogramarchiviske la austrijakera akademijake la visenschoftake“ dija. O Mozes ham te ando 80er berscha use sina, kada o Romengero micinipe sina. Uso Romano Centro Betschiste ov pra cila soraha pe ande bescharel. Buteder soske ov ada kertscha taj kerel taj sar i situacija le Romendar ande i adiveskeri Europa hi, schunen tumen adi andi sendung Roma sam upro Radijo Burgenland.  (volksgruppen.orf.at)

Tweet