Idsch kirati kerde o austritike Romengere-organisaciji – o Roma-Service, o Romano Kham, o Bahtalo Rom, o Romano Centro taj o Roma-Pastoral la diözesejatar Tikni Martona vasch o terne bibastale prik astariptscha gejng o Roma ando Ungriko jek solidaritetakero gejipe.

Argejipeskero than sina o parlamento, kaj o Emmerich Gärtner-Horvath, schero la burgenlanditika organisacijatar Roma-Service, pedar jek megafon mangla: „Mre ranja taj raja, likeren o tradipe ando Ungriko upre!“ Te o cile manuscha, save odoj sina vrischtschande ada mangipe taj ando va marde. La demonstracijonakero argejipeskero than sina anglo parlamento, kaj te le austritike politikerendar manglo ulo, hot te on valaso te keren gejng ada tradipe. „Amen andi EU sam, barikano hi, hot te amare politikertscha use amende terdschon. „Taj barikano hi, pedar o granici te dikel“, phentscha o Gärtner-Horvath ando vakeripe le Standard.at-iha. „Manuschengere tschatschiptscha te na del tschak upro papruschi“, afka o Gärtner-Horvath. Adala akcijonaha kamaha solidariteta le Romenge ando Ungriko te sikal.

Tweet