Radio Kaktus / WEBRADIO oe1campus
6.3., 20:00 & 7.3.2009 20:30 orenge

O masengere „Jour fixe“ le Romano Centrostar ar pe beschartscha la situacijaha le Romendar andi Bosnija taj Hercegovinja. Vedran Džihić, politologo upri universiteta Betsch, phentscha hot o Roma usi lek bareder briga le haburistar genen. Ov meg phenel, hot i positivi diskriminacija le Romendar leskere aun dikipestar soraleder pekamlo ol. Amar Rajković, journalistkija le papruschengero nevipeske „Biber“, la söbst lakere vurclini andar o anguno haburiskero than la Jugoslavijatar hi. Oj phentscha, hot o genipe odole manuschendar, save palo haburi ande pumaro vilago pal gele, igen tschulo hi. Oda koja vaschoda hi, kaj sa lendar bejg lim ulo. Avrijal sa vaschoda kerdo ulo, le Romen bejg te tradel sar ande lengeri hajmat len pal te anel.

„Dosta le maripeha gejng o Roma!“: Idsch uso protesto, savo le farajnistar Romano Centro, Roma-Service, Bahtalo Rom, Romano Kham taj le referatistar le ethnische grupnenge la diözesejatar Tikni Martona kerdo ulo, sina valami 100 demonstrantscha use.

O dschene cidine usar o parlamento anglo beschipe la organisacijatar la sicherhajtake taj khetan butschalinipeske andi Europa (OSZE) andi Hofburg, angli savi momeltscha taj jek baner le pisinipeha „Stopp Violence against Roma in Europe“ tel paschlarde. Paloda o demonstrantscha gele usi ungriki botschoft palo burg teateri. Duj delegirti prik dine „Mangiptscha“ le demonstratschengere nipostar la botschoftake.

Nisaj sondakero keripe, ham tschatschiptscha

Emmerich Gärtner-Horvath andar o Roma-Service phentscha, hot adala angle periptscha andar o Ungriko but o murdajipe andar o bersch 1995 Erbate pal te gondolinel mukel. Oda nan aun te lel, hot o ungrike harengere hamischne meldiniptscha ari den taj le opferen ojs tetertscha te kerel kamna. „Amen na kamaha sondakero keripe, ham kivaninas amenge, hot o universijeli manuschengere tschatschiptscha ande likerde te on“, phenel o Emmeich Gärtner-Horvath.

(volksgruppen.orf.at)

Tweet