Radijo: Advendiskero mulatintschago
Dezember 20th, 2009 | Published in Radio, Podcast & TV, Veranstaltungen & Ausstellungen
Radijo Kaktus / WEBRADIO oe1campus
18.12.2009, 20:00 & 19.12., 20:30 & 21.12., 11:30 orenge
Uso tradicijoneli adventiskero mulatintschago le Kulturakere farajnistar le austritike Romendar (Website) schaj ada bersch te i prindschardi schauschpilerkija Mijou Kovacs schundi uli. Mijou Kovacs gentscha jek historija la sveditika pisimaschkijatar Selma Lagerlöff, savi ojs erschti dschuvli o nobeliskero dipe uschtidija. O genipe le Ferry Janoskajistar Trio muschikan vodim ulo. O Romengero adventiskero mulatintschago sako bersch le komunalengere sar te le bundakere politikerendar, le dschenenendar save vuske le Kulturakere farajniha khetan butschalinen taj fartreterendar le institutendar kherodim ol. Anglo prominenti publikum ando Kulturakero farajn i Mijou Kovacs o erschivar sina. Oj igen loschantscha pe uso Roma te ol, phentscha oj palo genipe taj meg use phentscha hot i atmosphere adaj „Bohème“ hi.
O burgenlanditiko Romengero muschikaschi taj komponisto Ferry Janoska ando tschatschipe andar i Slovakija al taj ov phukal sar i situacija la flogoskera grupnatar odoj hi. Ov dschanel, hot o positivi klische – Roma latsche muschikaschtscha hi – na upro cile resel. I flogoskeri grupn ham baro potencijal upre sikal, savo ham meg na arnucim schaj ulo.
Oda nana meg dugo, kaj o pedar schel berschengere pamaristscha, save tschak le Romendar phukade ule, tel pisim ule. Jek odole pamarisendar butschol „Kada o rom le Devle ando vesch rodlahi“ ari alo andi kenva „O Rom taj o beng“ taj ardim ando berscha 2000 le Drava Verlagistar. I Romengeri kinstlerkija Christine Sztubics gentscha o pamarisi le Radijo Kaktusiske andi romani tschib. Me tumenge but voja uso, use schunipe kivaninav.
Emmerich Gärtner-Horvath, ORF Volksgruppenredaktion
volksgruppen.orf.at
