Mulatintschago ando Pradimo Kher
Dezember 15th, 2009 | Published in Radio, Podcast & TV
Roma sam
Radijo Burgenland: 14.12.2009, 20:40 orenge
Mulatintschago le Romenge taj gadschenge telal ada alaviskero gondo mulatintscha i Flogoskeri utschi ischkola le burgenlanditike Romendar ando Pradimo Kher Erba „Offenes Haus Oberwart“ (OHO) pumaro 10 berschengero jubilejum. Uso jubilejumiskero mulatintschago „10 berscha flogoskeri utschi ischkola le burgenlanditike Romendar” te jek artschijipe barikane Romengere kinstlerendar le Julius Horvathistar Tenuerbatar (fotografija), le Gustav Horvathistar te ov Tenuberbatar al (kaschteskeri faraginipeskeri buti) sar le Ludwig Papaistar Tikni Martonatar (molerej) andi OHO-galerija prado ulo. O artschijipe dschi ando 24. decemberi 2009 andi OHO-galerija te dikel hi.
O Horst Horvath, keraschi taj angle terdschajipeskero butschaschi la VHSatar le burgenlanditike Romendar ando vakeripe la Susanne Horvathaha la sendungake „Roma sam“ jek harno pal dikipe taj jek dikipe andi cukunft kerel: „Historija taj kultura le burgenlanditike Romendar, lengeri khetanipeskeri posicijona andi adiveskeri cajt taj andi cukunft ando arti berscha odoleha amen donde bescharaha.“
O barikanipe adale mulatintschagostar sina o Ferry Janoska Quartett taj i Hans Samer Band, save prindscharde taj tschuleder prindscharde falati la Romana muschikatar cidine. Te adaj talalinde pumen burgenlanditiki taj slovakitiki tradiciji.
Emmerich Gärtner-Horvath, ORF Volksgruppenredaktion
volksgruppen.orf.at
