Radijo: „Rodipe pre nipostar“
Dezember 7th, 2009 | Published in Geschichte & Gedenken, Literatur & Bücher, Radio, Podcast & TV, Wissenschaft
Radijo Kaktus / WEBRADIO oe1campus
4.12.2009, 20:00 & 5.12., 20:30 & 7.12., 11:30 orenge
„Me mindig upro rodipe somahi pal mre phrala taj mri phen. Me kamahi te dschanel, so lenca kerdo ulo“, phenel o Emmerich Gärtner-Horvath, schero le projektistar „Mri Historija – Meine Geschichte“, te le pal leskeri motivacija phutsches. „Me mindig manuschen phutschavahi, save maschkar i nacijonalsocijalistischi cajt dschivnahi, so ande oja cajt tschatschikan lenca kerdo ulo. Adaleha o na vakeripe phaglo sina, taj o phukajipe kesdintscha“, phukal o Gärtner-Horvath ande „Radijo Kaktus“. Le Gärtner-Horvathiskeri familija 1943 legedi uli. Leskere phrala taj leskeri phen imar uso ladipe Auschwitzate murdarde ule. Ov schoha na tromtscha le Josef (desch berscha terno), Karl (ofto berscha terno), taj la Berta (schov berscha terni) te prindscharel.
O farajn Roma-Service presentirintscha ando 26.11.2009 ando ORF-thaneskero schtudijo andi Tikni Martona o cajtceugeniskero projekto „Mri Historija – Meine Geschichte“. O aktujeli ardipe le Radijo Katusistar le projektiske „Mri Historija“ vidmim hi.
