Phare thardi dukadi Natálka khereste

Dezember 6th, 2009  |  Published in Rassismus & Menschenrechte

Natálka Sivakova mit ihrer MutterUso jek jakakero aun tschalajipe le nejonacisendar, kaj jek Romani tschaj andar i Tschechija dukadi uli, akan pal ofto masek andar i schpita ari mukli uli. Ando 18. april nejonacis trin „Molotow-Cocktails“ ando kher la Natálkasakere niposke ando Vitkov tschidija, dschidokle i familija sutscha. I duj berschengeri Natálka Siváková iste dujvar ando kurko andi schpita o phandliptscha parul, phentscha idsch i schpita ando ost tschechitiko Ostrava. I Natálka uschtidija uso auntschalajipe ando april tharipe 80 procentscha le teschtostar. „Nisaj avre tschave ande ada phuranipe asaj phare dukajiptscha ande ada vilago prik dschivtscha“, phentscha lakero badari o Michal Kadlcik.

Ando august schtar rechtsekstremi astarde ule taj vasch probalinipeskero murdaripe usi familija Siváková panasi lenge tschito ulo. O aun tschalajipe la Tschechija igen vodschikan micintscha. I regirung uproda phentscha, o kejmpfinipe gejng o ekstremismus soraleder te kerel. La Natálkasakeri daj taj lakero dad palo aun taschalajipe andar o dipeskere pomoschagoskere loj jek nevo kher ande Budisov Budišovkou kinde. Lakeri daj Anna Siváková bastali pe sikatscha, kada oj pra tschaj palo ofto masengero schpitakero upre likeripe peha kher schaj lija. Oj na dschanel sar le badarenge te palikerel. „Me le cilen lek merescheder angalinahi.“ I Natálka andi schpita phari cajt mit kertscha. Oj cipakere transplantacijontscha uschtidija taj trinvar „Sepsis“ uschtidija.   (volksgruppen.orf.at)

Comments are closed.