O khetan dschivipe maschkar o Roma taj gadsche ando Ungriko bibastaleder ol. Ada phenel jek phutschajipe le institutistar Szonda Ipsos, savo paraschtun ando internetiskero nevipe FN.hu. ari alo. O phutschajipengere na jek politischi sor ando Ungriko diken, save o problemo schaj putren. Dschidokle 51 procenti le nipostar bajder uschte cinkoliniptscha fejst likeren, diken tschak schov procenti o schajipe, hot o khetan dschivipe maschkar o tschuliptscha taj o ungrike dschene feder ol. Palo partajengero use kerinipe le phutschajiptschendar phenen 76 procenti o pajtaschtscha la rechtsekstremi Jobbik-partajatar, hot o cinkloinipe bajder dschal. Usi rechtskonservativi oposicijonakeri partaj Fidesz-MPSZ 52 procenti hi, uso regirendi socijalistscha MSZP 43 procenti. Bojd epasch le phutschajiptschendar (49 procenti) na dschanen, saj partaj o cinkolinipe lek feder ada te putrel dschanel.

28 procenti phenen, Fidesz-MPSZ lek feder adale upre dipeske ovlahi, i MSPZ taj o Jobbik sako ofto procenti uschtidel. Ando khetan paschlaripe vascho maripe maschkar o Roma taj la paramiliterischi gardeha le Jobbikistar phenen o dschene le phutschajiptschendar, adala o völinipeskere procentscha le Jobbikistar soraleder keren. Uso Jobbik simpatisantscha söbst palo phutschajipe 65 procentscha hi.

(volksgruppen.orf.at)

Tweet