„Bojd jek ora palo vakeriptscha na vakertscham. Loke paloda kesdintscham te vakerel, so amen odoj schuntscham“, phentscha o Emmerich Gärtner-Horvath uso vodschikano vakeripe usi presentacija „Mri Historija – Meine Geschichte“. Darutnon, vodschikan taj te loschane o arajipe hi, so te le projektiskere schere le Emmerich Gärtner-Horvath na schudro mukel. „Bojd jek ora palo vakeriptscha na vakertscham. Loke paloda kesdintscham te vakerel, so odoj amen schuntscham. O vakeriptscha lenca te te sol amen na mukle“, phenel o Emmerich Gärtner-Horvath ando vakeripe la Gilda Horvathaha.

I DVD „Mri Historija – Meine Geschichte“ sikal o tschatschikane dschivipeskere historiji le 15 burgenlanditike Romendar, murschendar taj dschuvlendar, save maschkar 1923 dschi 1955 upro them ale. On phukan pedar jek bojd pobisterdo falato austritiki historijatar. O 15 kenvi mindig jeke dscheneske vidmim ulo. Pasche meri harni bijografija jek godschikano vakeripe ande hi taj le ORF Burgenlandistar kerdi DVD, historischi taj aktujeli kipenca, save akan ojs edicijona angle paschlon.

Tweet