O flogoskero grupnakero bajrot ada bersch nevo völim ol, o angle­be­schaschi le baj­rotistar Emmerich Gärtner-Horvath ando schtu­dijos­kero vakeripe, o use pheni­pes­kero lil uso flogos­kero grupna­kero kher telal pisim ulo, o Christian Klippl ando sika­vipe, o gondo­lipe upro schtar opfertscha le aten­ta­tostar Erbatar taj i pre­mijera la tikna operatar „Rromano Kidipe“ taj „Papuszas Tränen“ hi o te­matscha.

13ti feberi 2022, 13:05 orenge
ORF 2 Burgenland | Live ORF TVthek

I Katharina Graf-Janoska andar o farajn Roma-Service Erbate, duach i sendung vodinel.

O flogoskero grupnakero bajrot le Romen­dar nevo vö­lim ol — Kerdo ulo o farajn Roma-Service 2003 le Em­me­rich Gärtner-Hor­vathistar, ov te o angle­bescha­schi le flogos­kere grup­nakere bajro­tistar le Romen­dar hi. Sajt 1995 del ada bajrot, savo o interesi la flogos­kera grupnatar ando pra­dipe fatre­tinel. Sake 4 berscha o bajrot nevo völim ol, ada bersch hi oda papal – taj vaschoda amen upri histo­rija le baj­rotistar pal dikas.

Schtudijoskero vakeripe le Emme­rich Gärt­ner-Hor­vathiha — O Emmerich Gärt­ner-Hor­vath, angle­bescha­schi le flogos­kere grupnakere bajro­tistar le Romendar, ando schtu­dijos­kero vakeripe pedar o lek barika­neder jeri­niptscha, o funkci­jontscha taj o cukunf­takere plantscha le bajro­tistar phukal.

Flogoskero grupnakero kher Erbate — Ando maschkaripe le jeneristar o use phenipes­kero lil uso flogos­kero grupna­kero kher le thanes­kere scherostar Hans Peter Doskozil taj le fatrete­rendar le organi­sa­cijen­dar le bur­gen­landi­tike-hor­vacken­dar, le burgen­landiti­ke-Romen­dar taj le burgen­landiti­ke-ungri­kendar, telal pisim ulo.

Christian Klippl ando sikavipe — 2016, palo mulipe le Rudolf Sarközistar, o Christian Klippl i funkci­jona le sche­rostar le kultura­kere faraj­nistar le austriti­ke Romendar ande lija. Amen restscham le Christian Klippl ando khera le Roma-do­kumen­ta­cijakere ar­chivistar, leha pedar leskeri tscha­vengeri cajt, leskero dschi­vipeskero drom taj pedar o butja, sar Romen­ge­ro-ak­tivis­mus te scho­finel sina taj te schofi­nel hi, te vakerel.

Gondolipe upro opfertscha le atentatostar Er­batar — 27 berscha hi imar, hot o schtar Roma, o Karl Horvath, o Josef Simon, o Peter Sarközi taj o Erwin Horvath, uso rasisti­schi motivi­rimo bom­bakero atentato Erbatar, mur­darde ule. On schoha pobis­terde on – sako bersch i Romen­geri pastoral uso khe­tano gon­dolipe upro opfer­tscha akarel.

Tikni opera ando Porgy & Bess
O komponisto Adrian Gaspar jek nevi forma völintscha, jek tikni opera, pedar o tiri­nipe le Romen­gere prik dschiv­dendar te phukal. I premi­jera la tikna operatar „Rromano Kidipe“, nimtschkon Zu­sammen­kunft, taj „Papuszas Tränen“, ando betschi­tiko jazz klub Porgy & Bess sina.

(Josef M. Schmidt – volksgruppen.orf.at)

Tweet