Sarközi: „O falo le Romenge schoha na pelo“
November 14th, 2009 | Published in Radio, Podcast & TV
Radijo Kaktus / WEBRADIO oe1campus
13.11.2009, 20:00 & 14.11., 20:30 & 16.11., 11:30 orenge
Uso 20-berschengero mulatintschago le faloskere tel phagipestar o anglebeschto le flogoskere grupnengere bejrotistar Rudolf Sarközi angle asdel, hot o falo maschkar o Roma taj le avre gadschendar andi Europa schoha na pelo. „Andi Europa so le Romenge taj Sintijenge politisch ari alo meg nischta dikav“, phukal o Sarközi ando vakeripe la Gilda Horvataha, savi upre leskero 65. di kada ov upro them alo leha khetan jek pal dikipe upre 20 berscha buti kerel. Te le Rudolf Sarköziske jek bersch le mulatintschagendar hi, mint imar o erschti Roma Farajn, savo andi Austrija kerdo ulo, imar 20 berscha del. Ov söbst mulatintscha ando 11.11.2009 pro 65. di kada upro them alo. Ando 11. novemberi 1944 o Rudolf Sarközi ando logeri Lackenbach ojs erschti tschau la Paula Sarköziatar taj Rudolf Weinrichistar upro them alo.
Ada bersch ov 65 berscha phurano ulo, ham o flogoskero grupnengero anglebeschto uso „Genipe gejng o maripe“ andi „Stadthalle“ Betsch sina taj nisaj eklik khino. Odoj phukatscha ov pedar pri 20 berschengeri buti la flogoskera grupnake. Ham ande leskeri familija nan tschak le del, savo pe la flogoskera grupnake ande bescharel. Ada kurko uschtidija leskeri Romni Helga Sarközi i „Somnakuni medajlije le thanestar Burgenland“ vasch lakeri 20berschengeri na potschimi farajnakeri buti.
Te ada bersch o Rudolf Sarközi upre oda than kaj ov upro them alo pre murdarde niposke gondolinla. O sakoberscheskere keserujakere tel paschlaripe uso Romengero than ando Lackenbach hi taha Suboton, 11.00 orenge. Ov o gondolipeskero vakeripe likerla. Politischi fatretertscha sar o bundakero ministeri Rudolf Hundstorfer pumaro vodschikanipe ar dschumina. O Adrian Gaspar o muschikano keripe use kerel.
