2014 o Olimpijakere Dschendeskere Kheliptscha ando Sotschi (Rusto) ovna. Sar use but agune Olimpijadscha vaj asaj bare koji dschan o anglutne butscha te ando Sotschi bibastale mujsinipeskere kojenca gejng o manuscha angle. Afka ando foro le eseri dschenendar le bauninipeskere kojenge sa bejg lim ulo taj prik sidlim le ule. I flogoskeri grupn le Romendar andi anglutni mesuja asaj bare kojendar butvar telal o kereki jeka „schuscharipeskera politikatar“ perel (dik amaro pisinipe usi Universijada 2009 ando Belgrad). I manuschengeri tschatschipeskeri organisacija GfbV o aktujeli arpheniptscha le birostar andar Sotschi, Anatoli Pakhomow andar i Putin-partaj „Einiges Russland“ upre sikal, savo ando khetanipe la Olimpijadakera anglutna butschaha mangel, hot o Roma taj odola dschene, save upro poschtito dschin ando Sotschi sar andi cajt la Sovjetunijonatar usi buti, upro bauninipeskere thana, mujsim te on. Te on mujsim ule, „cilo di te butschalinel, o mangipe le Romendar taj odole dschenendar, save upro poschtito dschin tschivla pe, ande bare grupn use amende ando foro te al“.

Romengere- taj manuschengere tschatschipengere organisaciji mangen konsekventscha. Nadezhda Demeter, o dujto presidento le Romengere- Themeskere Khetanipestar „Internacijonali Romani Unijon“ (IRU), sikal pe dajardo, „hot jek politikeri ande asaj barikani posicijona asaj arpheniptscha kerel taj (…) meg mindig biro schaj atschel“.  I GfbV phenel, hot le bare schponsoriha VW khetan pumen beschna, savo sar uso Linajiskere Kheliptscha ando China – jek generaliskero khetanipe la Olimpijadake ando Sotschi prik lija.

Tweet