volksgruppen.orf.at: Ando Belgrad jek museum la Romengera kulturatar prado ulo. Ada o erschti instituto andi cili Europa hi, phentscha o museumiskero direkteri Dragoljub Acković le belgrader senderiske B92. O museum bitinel le kherodaschenge ande dikiptscha ande diversi aspektscha la kulturatar adala flogoskera grupnatar na tschak andi Serbija, ham te upro cilo balkan taj avre europitike schtotscha le maschkarutne phuripestar dschi usi adiveskeri cajt. Aja kulturakeri institutcijona o dur bulhardo tel dikipe gejng o Roma tel te bauninel, tel lende oda, hot len nisaj vakeripe vaj literatura hi, phenel o Acković. Ando museum but alava- taj gramitikakere kenvi, biblinakere-prikbeschariptscha, phukajiptscha taj aver kenvi andi Romani tschib ar tertscharde hi. Jek barikano eksponato hi o lek phureder teksto andi Romani tschib, ardim andi Bari Britanija 1537, sar te o erschti Romengero diveseskero papruschengero nevipe, savi 1935 ando Belgrad dschumim ulo.

VIDEO: B92rtv – Muzej romske kulture (Youtube) (serb.)

Tweet