Podijumakeri diskusijona: 25 berscha atentato

Februar 10th, 2020  |  Published in Geschichte & Gedenken, Radio & TV, Veranstaltungen & Ausstellungen

Radio Roma samRoma sam
Radijo Burgenland:
3.2.2020 | (on demand)

Le gondolipeske le atentatistar Erbate, upral i rat le 4. upro 5. fe­be­ristar 1995, mu­la­tin­tscha i Roma VHS andi ko­pera­ci­ja la „AK-Bü­che­rei“iha jek po­di­ju­ma­keri dis­ku­si­jona.

Podiumsdiskussion in Oberwart: (v.l.) Peter Sitar, Walter Reiss, Ludwig Horvath, Erich Schneller, Manuela Horvath (Foto: volksgruppen.orf.at)Angle 25 berscha ando 4to feberi 1995 o Erwin Horvath, o Karl Horvath, o Peter Sarközi taj o Josef Simon use jek poli­tischi taj rasis­tischi moti­virimo bom­bakero aunasta­ripe, kada on jek tab­lina le pisi­ni­peha „Roma pal andi Indija“ tel te lel kam­nahi, mur­darde ule. Oda atentato bar duk la flogos­kera grup­nake le Romen­dar pal mukla. Medi­ja­kere fatre­ter­tscha, save ojs erschti odoj sina, taj pedar oda keripe schaj phu­kade, sina o agune ORF-iske­re jour­nalis­tscha Walter Reiss taj Erich Schneller, sar o Peter Sitar, Erbakero re­dak­teur uso papru­schen­geri nevipe „Kurier“. On pal gon­do­linde khe­tan le Ludwig Horvathiha, savo andi Roma sid­lung dschil, usi podi­juma­keri disku­sijona, upro di le te­rorjistar, savo andi his­torija ande gelo.

Ando kesdipe o mediji jeka „Fehde“jatar phukavnahi taj na jeke rasis­tischi moti­virti aunas­tari­pestar upro Roma. Aja infor­macija upro arphenip­tscha le haren­dar anglo than odotar ar gelo. Nisaj rodipe ko taj sar oda schaj sina imar infor­macija ari dim uli, savo o rasis­mus upri flogos­keri grupn le Romen­dar papal sika­tscha. Paloda ertschi o tscha­pinipe le nevi­pen­dar ari dim ulo taj jek di paloda phendo ulo, hot jek atentato sina, taj upri flogos­keri grupn le Romen­dar gelo.

O Walter Reiss andar o ORF Burgenland ande oja cajt phukav­laihi taj pal­gon­do­linel upro erschti ori la bibas­tatar. Erich Schneller, mit­glid la Flogos­kera Utscha Isch­kolatar taj vodaschi le Romen­gere mici­ni­pestar, o erschti vakerip­tscha le reste dsche­neca la flogos­kera grup­naha kertscha. But lendar trauma­tisirim sina. O trauma, so o bibas­talipe andi NS-akeri cajt terdschiv­do ulo, igen hor beschto sina, taj i dar savi imar jefkar ter­dschivde papal dschiv­do ulo. O terdschi­vipe masch­kar o dujto themes­kero haburi taj o keripe le Ro­menca palo haburi, igen bare heftscha maschkar o Roma taj gadsche kertscha, save upro­jefkar papal adaj sina. O Erich Schneller phu­kal pedar o resipe taj duk le Romen­dar Erbate. Kada erscht o aten­teteri Franz Fuchs duj berscha paloda astardo ulo. O aten­tato te but irintscha, mint upro jefkar o Roma le gadschen­dar dikle ule taj pumen lenca ar be­scharde.

O Ludwig Horvath use ada di angle 25 berscha upral pri buti kher alo taj le schtar Romen Josef Simon, Erwin Horvath, Karl Horvath taj Peter Sarközi resla, harnon on oja tab­lina le upre pisini­peha „Roma zu­rück nach Indien“ bejg te lel kam­nahi, nisaj dscha­nipeha, hot aja relina­keri bomba hi. Te na asaj khino ujo­mahi taj kher ge­jomahi, te ov mur­dardo ujahi, phenel o Horvath. Ov pal gon­dolinel upro kheres­kere duach rodip­tscha le haren­dar taj o na trau­jinipe gejng o Roma, savo agun sina. Kekaj ada tra­gischi keripe sina dikel o Ludwig Horvath ba­ri­kane andi cukunft, mint but le Romen­ge sajt oda sina pe irintscha. Ando sika­di­pes­keri koja taj so o use gejipe uso butja­kero foro resel, le Romenge adi lo­keder hi, sar agun, phu­kal o Ludwig Horvath.

Te o Peter Sitar jek le jekoschnendar anglo than sina. Ov phukal pedar o erschti dikipe ojs surejal. O mule upro drom pa­sch­lonahi, mel­dinip­tscha jeka „Feh­de“ja­tar imar kur­siri­nahi, tschak tschule dsche­nenge use ada cajta­kero punkto godschi­kan sina, hot vasch jek rasis­tischi moti­virti aten­tato dschal. Ada sina mo­mento, kada ov o phu­kaji­peskero koji poar medija­kere fatre­terendar dikla, kaj ov pe lenge ladschal. Nisaj go­ndoha o fele­riskere infor­maciji nisaj rescher­schenca taj pedar prifi­nipeha le fak­tendar ar bul­hardo ulo taj ada upro diriko taj bri­gakeri duk le Ro­mendar.

(volksgruppen.orf.at)

Comments are closed.