UN-Utschi komisarkija Navi Pillay
September 18th, 2009 | Published in Rassismus & Menschenrechte
UN-Utschi komisarkija ande 17 Europitike vilagi i diskriminacija gejng Roma tel phenel
Kaj oj lakero erschti birovtschagoskero jubilejum ojs UN-Utschi komisarkija le manuschengere tschatschipenge mulatintscha, i Navi Pillay, hetvin ande lakero vakeripe anglo Human Rights Council ando Genf jek bilanca pedar i manuschengeri tschatschipeskeri buti le „Vereinte Nacijonendar“ cidija. Use al i sud afrikanitiki fischgaroschkija, pedar o igen bibastalo dschivipe le Romendar ando mindenfelitike vilagi, te vakerel. Eksplicit ol i diskriminacija le Romendar ande 17 Europitike vilagi tel phendi. Adaj o teldschumipe taj i bibastali diskriminacija le Romendar ando Ungriko, andi Slovakija, Italija, Bulgarija, andi Tschechija, Finnland, Francija, Bari Britanija, Irland, Litauen, Polnija, Portugal, andi Rumenija, Serbija, Espanija, Slovenija taj Schvedija aun vakerdo ol. Dschenenge andar o Romengero-tschulipe butvar o use gejipe uso medicinitiko fasorginipe taj uso arsikadipe na ol cuj muklo, te uso khereskero rodipe iste o Sinti, o Roma taj o Travellers bibastale teldschumiptscha peder pumende te dschal te mukel, phenel i Pillay.
