Universiteta Betschi (19.2.2009): Dschaniptscha Romane-ischkolaschendar, kekaj upri tschibtschakeri vaj krejativi rik, butvar le meschterendar na on dikle. O sikadipeskero visenschoftleri Mikael Luciak ande jek aktujeli EU-projekto (INSETRom) i situacija Romane-ischkolaschendar ando klastscha aun peske dikel.

O godscharipe le austritike khetanipestar pedar o use cidime Roma, pedar lengeri kultura taj tschibtschakeri situacija igen tschulo hi. „Romane-ischkolaschtscha, save andi Austrija ale, butvar buteder tschibtscha te vakerel dschanen. Ham o meschtertscha na diken upro tschibtschakero dschanipe le ischkolaschendar. Andi Austrija o avrethemeskere tschibtscha sar i serbitiki- vaj rumenitiki tschib ham te o tschuliptschengere tschibtscha sar Romanes butvar ojs na barikano aun dikle on“, phenel o Dr. Mikael Luciak andar o instituto la sikadipeskera visenschoftatar.

Tweet