Radio Kaktus / WEBRADIO oe1campus
20.2., 20:00 & 21.2.2009 20:30 orenge

Barbara Schätz, o schero odola abtajlungatar le gondolipeskere thanendar taj „Kriegsgräberfürsorge“, mukla te dschanel, hot o tel makipe akan tel utschardo hi, kaj asaj schil hi vaschoda naschtig lo schuschardo ol. O avrutno falo le gondolipeskere thanestar le agune logeristar Mauthausen andi Uprutni Austrija aun maklo ulo. Bare betovtscha vrischtschanen use jek „Kreuzzug“ gejng o Muslime upre.

Romani muschika upro „Opernball“
O erschtivar andi historija uso betschitiko „Opernball“ jek Romani banda te schunel sina. Ida Kelderová cidija andi epasch i rat pra bandaha. Oj andi Romani taj jidischi tschib dschilatscha.

Zuzana Brejcha: „Romane Paramizi“
I filmiskeri keraschkija Zuzana Brejcha ando 1968 15 berschenca andar i aguni Tschechoslovakija Betschiste ali. Lakero barikano film „Romane Apsa“ ar pe bescharel pedar o dschivipe jeka Romengera sidlungatar andar i ostitiki Slovakija, pasche o foro Brešov. Akan bescharel pe i Brejcha pre aktujeli filmiskere projektiha „Romane Paramizi/Romane pamarisi“ papal la Roengera flogoskera grupnaha donde. Brejcha phentscha, hot i situacija le Romendar andi ostitiki Slovakija akan muguli bibastaleder uli taj odola Roma savi pedar i granica dschan taj akor papal pal an, le nochberendar na pekan pumenge te uscharel hot vodschikan upre lim le on.

Mulatintschagoskero tip
I kinstlerkija taj cajtakeri ceuginkija Ceija Stojka kherodel ando 3. merc papal o ischkoli ando Linz ando keripe le projektistar „Es Gärt!“ gejng rasismus taj avrethemuntnegero tel dschumipe. O projekto „Es Gärt!“ keren i „Friedensinitative“ le forostar Linz taj o than le manuschendar. O projekto le forostar Linz hi kedenate, 3. merc andar 11.30 orenge dschi 13.00 orenge taj andi „Janschule“ (HS 15) taj 14 orenge dschi 15.30 orenge andi „Karl-Renner-Schule“ (HS 18).

Emmerich Gärtner-Horvath, ORF Volksgruppenredaktion
volksgruppen.orf.at, 20.2.2009

Tweet