O lejcti tschechitike Roma, savo o holocaust prik dschiv­de, la Ger­ma­ni­ja­tar bu­te­der sar 70 berscha pal o ha­bu­ris­kero kise­ti­nipe, holo­caustis­kere-loj te usch­ti­den. Ande vake­rip­tscha le financ­mi­nis­te­ri­jumi­ha ando foro Berlin, o 2.500 Euro ar hand­lim ule, phe­nel o minis­te­ri­jum le avrut­neske ando foro Prag, parasch­tu­jate pal o but mase­ka­kere vake­rip­tscha. Ada potschin­tscha­go ham tschak le buter vala­mi desch dschi 15 prik dschiv­de Romen­ge has­ni­nel, but­schol afka. „Poar lendar tschak ando vodro buter paschlon“, phentscha Čeněk Růžička an­dar i or­ga­ni­sa­cija le holo­caus­tis­ke-lojen­ge le tsche­chi­ti­ke Ro­menge Výbor Pro Odškod­není Romské­ho Holoc­austu (VPORH) la agen­tu­rake ČTK. „Ando diki­pe upre lengero phuripe lojen­gere utschi­peske use phen­tscham, pe­dar savo tschak aslo schaj ol“, kriti­si­rintscha ov. Taj te vasch o ar potschin­tscha­go iste erscht aun ro­dim ol.

Ando dujto themeskero haburi igen but dschene le tsche­chi­tike Romen­dar ande but­ja­kere- taj naci­jo­nal­so­cija­lis­ti­schi loger­tscha ledschim ule. Tschak va­la­mi 600 le valami 6500 dsche­nen­dar le tschu­li­pes­tar o Porajmos prik dschiv­de, o flo­gos­kero mur­da­ripe le euro­pi­ti­ke Ro­mendar.

(volksgruppen.orf.at)

Tweet