Ando sud polnitiko Borzęcin Dolny na dur Krakaujatar jek holo­caustiskero gon­do­li­pes­kero than na prin­dschar­de dsche­nen­dar pujsto tschi­to ulo. Ada andi april kerdo ulo. O gon­do­li­pes­ke­ro than upro nacijo­nal­so­cija­lis­ti­schi geno­cid pal te gon­do­li­nel upro Roma. O haren­gere le te­tertschen roden.

O gondolipeskero than jeke hokoneha le betonis­kere sok­listar tel tscha­lado ulo. Jek gon­do­li­pes­keri tab­lina, savi aun kerdi sina, tel tscha­ladi uli. O ande pisi­nipe, savo te andi Ro­mani tschib la po­si­jasch­ki­jatar Papusza (Bronisława Wajs) sina, upre sikal upro but dsche­nen­gero mur­da­ripe le Romen­dar le nimtschke nim­ci­jen­dar ando dujto ha­buri. O gon­do­li­pes­kero than upre oda than le veschis­tar kerdo ulo, kaj ando juli 1943 29 polnitike Roma mur­darde ule: trin mur­scha, pantsch dschuv­la taj bi­schu­jek tschave andar o fa­mi­li­ji Majewski, Kwiatkowski, Chmielewski taj Cioroń. O ini­ci­ja­tor­ki­ji le gon­do­li­pes­kere tha­nestar gon­do­li­nen, hot adaj jeke siste­ma­tischi, organsirti ang­le geji­peha te kerel hi: „Mange o ala­va fali­nen, kaj schaj phe­nav, so me akan esbe lav“, phenel i polni­tiki kinstler­ki­ja Małgorzata Mirga-Tas, savi Romni hi, taj o gon­do­li­pes­kero than kertscha. „Asavo schaj tschak oda kerel, savenge o respetko avren­dar, priki histo­rija taj upro gon­do­lipe le Romen­dar falinel. Vala­ko kam­la amen­ge te hajol te del, hot amen nischta na genas.“

(dROMa | Prik bescharipe: Josef Schmidt)

Tweet