O Rudolf Sarközi suboton 71 berschen­ca an­dar ada vila­go gelo. Nisaj avro i Roma po­litik andi dujti republi­ka asaj sora­le han­goha fatre­tin­scha, sar o na khino Sarközi. O Ru­dolf Sarközi use odola ma­nu­scha ke­ri­nel, savo mi­ndig use pu­ma­ro godschi­kano alav min­dig terdscho­nahi.

Rudolf Sarközi ando 11. november 1944 ando lo­ge­ri Lacken­bach upro them alo. 1991 o Kultura­ke­ro fa­rajn le austri­tike Ro­men­dar kertscha, kaj ov o sche­ro sajt oja cajt min­dig sina. O Sar­közi sina sajt 1995 o anglo besch­to le flogos­kere grup­nen­gere baj­ro­tistar le Romen­dar. Kada ov ando fe­beri 2014 papal ojs anglo beschto le flogos­kere grup­nen­gere baj­ro­tistar le Ro­men­dar aro­dim ulo, phen­tscha ov, hot o sika­dipe o lek bare­der angle man­gipe hi. Use o ande vo­di­nipe le tscho­re gu­du­schen­dar andi Austrija phe­nel o Sar­közi, sar le po­li­ti­ke­ren­dar me­resch phen­do ol, min­dig jek thabos­kero punk­to atschla.

Ando glajchi bersch o gondolipeskero mula­tin­tschago ando Maut­hau­sen telal o anav „o vert le dschi­vi­pestar“ sina. O ang­le­beschto Ru­dolf Sar­közi ki­vanin­tscha peske jek utsche­der vert la pal­gon­do­li­pes­kera kultu­ratar andi Austrija. „Te amare farajn le austri­tike Ro­men­dar na de­lahi, akor imar bura pedar o gondo­li­pes­kere thana le Ro­men­dar bart­scho­nahi“, phent­scha ov „Po­litik iste na tschak upre sikal, i po­litik iste te pal vake­rel taj o pal­va­ke­ripe dschi adi meg ar atschi­no.“

O Sarközi nisaj resignacija prindschar­la­hi. „Me latsche ko­jenge som, mre tschau del, savo ada baj­der kerla, te me na buter o schero, angle beschto le flo­gos­kere grup­nen­gere baj­ro­tistar le Ro­men­dar buter ova. Me hofi­nav, hot meg dur sasto som, kaj man vaschi gon­do­li­pes­keri kul­tura aun schaj lav, me gon­doli­nav me schaj phe­nav, hot dschi use mri lejcti diha aja bari­kani buti me kera.“

Leskero tschau o Andreas Sarközi ada erbini­pe pa­ti­vaha baj­der kerla. Ham les­kero ki­va­nipe, meg dur la flogos­kera grup­nake le Romen­ge adaj te ol, les­ke na kivanim ulo. Le Sarközisis­kero mu­lipe jek baro nascha­jipe la flogos­kera grup­nake le Ro­menge hi, savo manu­schon taj poli­tisch jek bari hev upre tschi­nel.

(volksgruppen.orf.at)

Tweet