Servus Szia Zdravo Del tuha (dschend 2015)
Dezember 15th, 2015 | Published in Radio, Podcast & TV
ORF 2 Burgenland: Servus Szia Zdravo Del tuha
Sendungakero termin: decemberi 2015
>>>TVthek
I nevi moderatorkija le schtar tschibtschengere flogoskere grupnakere magacinistar, i Katharina Janoska hi. Oj le use dikaschen upral jek le lek schukareder adventiskere forostar andar o Burgenland, andar o foro Rust akarel taj duach jek sendung vodinel, savi ando aktujeli temtscha le burgenlanditike flogoskere grupnendar, ande tauchinel:
Gondolinipe upro Ilija Jovanović — I europitiki akcijona „Roma Pride“ uso cil peske kertscha, barikane prindscharde Roma upre te sikal taj respekto te mangel. Le „mulatintschagoha le Ilija Jovanovićiske“, o Romano Centro, pre agune schero, savo imar mulo, patijartscha. Schukar hangi la Ferry Janoschka bandatar taj la Ruža Nikolić-Lakatosatar, taj alava andar o vodschi le poesijaschistar pedar argranicalipe taj na use kerinipe, gendo la Cécile Cordonatar taj la Simonida Selimovićatar, khetan upre jek latscho pajtaschi te gondolinel mukla.
Fred Sinowatz-visenschoftakero patijaripe 2015 — 2015, upro 70 berscha haburiskero kisetinipe, 60 berscha schtotiskero arkeripe, 20 berscha EU-jakero use gejipe taj Romengero atentato andi Erba, gondolim ol. Vaschoda o kulturakero referat la burgenlanditika thaneskera regirungatar ada bersch o Fred-Sinowath-visenschoftakero patijaripe trin barikane projektenge andar o than politischi sikadipe, savo pe le aspektenca le gondolinipeskere berschestar donde bescharde, prik dija.
35te Schlainingeriskere vakeriptscha — O 1982 kerde „Schlainingeriskere vakeriptscha“, le temenca ando granicakero than maschkar i Austrija, o Ungriko taj i Slovakija, donde pumen bescharen. Ada bersch i tema „Roma & Sinti usar 1938 dschi adi“ ando maschkaripe le 35te Schlainingeriskere vakeriptschendar, terdscholahi.
37 berscha flogoskeri khelipeskeri grupn „Virgonc“ — Na dur pal, Tenu Erbate jek barikano hango sina. O Tenu Erbasctscha o 35 berschengero jubilejum lengera ungrika flogoskera khelipeskera grupnatar „Virgonc“ mulatinde. O phure khelaschtscha, i terni khelipeskeri grupn taj lengere pajtaschtscha jeke na pobisterde kiratiske, sorginde.
Gondolinipeskero mulatintschago ahde Lackenbach — O gondolinipe anglo gondolinipeskero than le Romenge taj Sintijenge ando burgenlanditiko Lackenbach, te ada bersch le dschenen papal use jek koja le manuschanipestar te ol mukla. O Kulturakero Farajn le Austritike Romendar taj i thaneskeri regirung uso palgondolinipe upro 4.000 Roma taj Sinti akarde, save le nacijendar murdarde ule.
10 berscha Thara — O flogoskero pomoschagoskero projekto Thara usi inklusijona le Romendar taj Sintijendar ando austritiko butjakero foro, ando novemberi pro 10 berschengero jubilejum, mulatintscha. Uso mulatintschago ando bundakero ministerijum la butjake, le socijaliske taj le konsumentengere arakaripeske, loschande pal taj te angle diklo ulo.
Ungriki Klezmer banda „Nigun“ — I ungriki Klezmer banda „Nigun“ peskere emocijonali taj inspirime koncertenge, prindschardi hi. Pumare aktujeli dschilenca, o fatretertscha la ost europitika, dschidovtschengera muschikaha te le betschitike dschenen andi „Sargfabrik“ loschande.
Kenvakeri presentacija: „Minderheiten und Mutterstaaten: Schutz oder Intervention?“ — Na dur pal, andi diplomatischi akademija Betschiste jek interesanti verk, presentirim ulo. „Minderheiten und Mutterstaaten: Schutz oder Intervention?“. I kenva palvakeriptscha upro virtujeli phutschajipe „Ko le tschulipen arakarel“ le komentarenca prindscharde visenschoftlerendar taj te le diplomatischi fatreterendar le dajakere schtotendar, rodel. I 352 riktschengeri kenva ando Hermagoras falog ari ali taj 25,- Euro koschtalinel.
