Ando bersch 2015 le ar le haburistar (1945), le schotiskere arkeri­peske (1955), le EU-akere use geji­pes­ke (1995) taj le Romen­gere aten­ta­tiske (1995) gon­dolim ol. O kultu­ra­kero referat la burgen­lan­di­tika thanes­kera regirun­ga­tar del va­schoda 2015 o Fred-Sinowatz-Visen­schofta­kere pati­jaripe trin bari­kane projek­tenge, save pumen adale temen­ca donde beschar­de. O erschtivar o dipe le Fred-Sino­watz-Visen­schof­ta­kere pati­ja­ripes­tar duje­seri taj deschu­pantsch ando kher la flogos­kera kultu­ra­tar kerdo ulo, kaj o kultur­tscha khetan bartschon, sar o kul­tu­ra­kero thanes­kero rot Helmut Bieler phenel.

I Manuela Horvath Erbatar le patjari­pes­kere dipe­ha duj eseri taj deschu­pantsch le keri­peske jeka kenva­tar pedar o bom­ba­kero murda­ripe ando bersch enjavar desch taj pantsch gejng i flo­gos­keri grupn le Romen­dar, upre baunim upre lakeri artschi­ji­pes­keri buti ando artschi­jipe „Roma­ne thana – thana le Sinti­jen­dar taj Romen­dar“, patjar­di uli.

La temaha „Gondolipeskero bersch eftavar desch berscha o haburiskero kisetinipe terne forschinen i phuri cajt“ o ischkolaschtscha la neva maschkarutna ischkolatar Rohonca la jury pumenge schaj jerinde taj telal o lek feder trin andar schov var desch ande dipeskere butja pele. Le kenvakere projektiske „Nacificirinipe taj entnacificirinipe le Burgenlandistar.“ O Walter Feymann andar i Tikni Martona patjardo ulo. „Jek familjakeri historija“ butschol o verk le triti patijaripeskere ledschaschistar, Peter Liszt.

O Fred Sinowatz-Visenschoftakero patijaripe le thanestar Burgenland o erschtivar 2004 le kulturakere referatistar la burgenlanditika thaneskera regirungatar fadim ulo. O dipe eseri eurojenca dotirim hi.

(volksgruppen.orf.at)

Tweet