Roma sam
Radijo Burgenland: 17.8.2015 | (on demand)

Uso berscheskero di le upre putrinipestar le afka akarede „Zigeuner lo­ge­ristar“ ande Auschwitz-Bir­kenau, andi cili Euro­pa upro flogos­kero murda­ripe gejng o Sinti taj Roma gondo­lim ulo. Ando 2to august 1944 o lejcti dsche­ne le „Zigeuner loge­ristar“, valami 3.000 manu­scha, mur­darde ule.

O Romani Rose (angle beschto le centrali rotis­tar le nimtschke Sin­ti­jen­dar taj Romen­dar) taj o erscht 20-ber­schen­gero Silas Kropf (dujto angle beschto le faraj­nistar Amaro Drom e.V.) upro gon­do­li­nipes­kero di pedar o bari­ka­nipe la histo­ri­jatar, pedar o dschi­vi­pes­kero them le terne Sintijen­dar taj Romen­dar andi Germanija taj pedar i aktujeli naschi­ge­ja­schen­geri de­bata, vakeren.

Dikhen amen! Seht uns!

Afka jek projekto le terne Sintijenge taj Romenge andi Germa­nija butschol. Ada pro­jekto le terne dsche­nen­ge te pomo­schi­nel, kaj on aun­prin­dscha­ripe taj glajchi terdscho­jipe ando nimtschko khe­tanipe te uschtiden.

Glajchi tschatschiptscha le cilenge

Odola Roma, save le schofinen, andi Germanija te al, odolen tschule schajiptscha upre jek asil hi. Bojd o cile aunrodipeskere lila tel phende on. I aunprindscharipeskeri kvota le naschigejaschendar andar o vest Balkan valami 1% hi. Vaschoda o Silas Kropf andar o farajn Amaro Drom e.V. mangel, hot o naschigejaschtscha upral o Balka, o glajchi asilakero keripe taj o glajchi khera te uschtiden, sar o avre naschigejaschta.

Buteder pedar, schunen tumen andi sendung „Roma sam“ upro Radijo Burgenland.

(volksgruppen.orf.at)

Tweet