Andi rat upre keden probalinde 50 dschi 60 dschene, jek Roma-sid­lung pasche i sud­vest­bul­gari­tiki ge­majnde Garmen aun te asta­rel. O haren­gere ham schaj len upre likerde. I sidlung le haren­ge­ren­dar imar trin kurke arakipe usch­tidel. Imar ando maj i situa­cija eska­li­rintscha, kada jek cinko­li­nipe masch­kar jek gaves­kero dscheno taj jeka Roma-fami­lija­tar ar phagla taj use jek baro maripe ar gelo, taj but dschene dukade ule. Odo­tar aun i sid­lung telal harengero ara­kipe terdschol. Rechts­ekstre­mi lob­daschen­gere hooligans ando gav ale te de­monstri­ri­nel taj gejng i krimi­na­li­teta telal o Roma te betajliginel. (Te i APA na reflek­ti­rim pisinel „Upre maschi­ri­nipe le gaven­gere dsche­nen­dar gejng i krimi­na­li­teta telal o Roma“. Ham tscha­tschi­kan tschak schtar tscho­rip­tscha usar ada ber­sches­kero kesdipe dija.)

Te ando foro Sofia sajt poar divesa protestscha gejng „aso­ci­jali“ dschene le Romen­gere-thanes­tar Orlandovtsi del. Het­vi­nate kirati use ma­riptscha lob­dakere hooli­gan­senca, save pumen uso anti-Roma protestscha aun­phandle, alo. Bu­teder Roma duka­de ule. Bisch dsch­ene and tschapim ule pi­si­nel No­vi­nite.

(dROMa)

Tweet