Radijo Kaktus / WEBRADIO oe1campus
10.7.2009, 20:00 & 11.7.2009, 20:30 orenge

Ande amaro pharipeskero punkto „o bersch 2020“ amen ar bescharas amen le cukunften-gere perspektivenca la Romengera flogoha. O flogoskero grupnengero anglebeschto o Rudolf Sarközi imar sajt pedar 20 berscha aktivo hi. Jek phutschajipe le Sarköziske hi saj dur i autochtoni flogoskeri grupn meg eksistirinla. Nan barikano saj Romengeri grupn buteder ovla, ham saj dur o farajntscha latsche organisirim hi taj latschi buti keren taj te i gondolipeskeri kultura upre likeren, phenel o Sarközi. Bajder ar kerel i nevi generacija le terne Romendar sar o entviklinipe la Romengera flogoskera grupnatar ovla. Sarközi kivaninel peske hot vitschofts orijentirim butschalim te ol taj i kultura dschivdon upre likerdo te ol. Ham ada sa na funcijonirinla te o klische le „faulen Zigeuners“ na andar o schere le nipostar ari dschal. 

Ruzsa Nikolić-Lakatos hi jek igen prindschardi Romengeri muischikaschkija andar i Europa. Lake o aun prindscharipe ojs flogoskeri grupn cu tschulu hi. Mint o terne o klutscho la cukunftatar hi taj adaleske sa ando arsiklipe igen tschulo pomoschim ol. Melinda Stoika sina dschilaschkija la kultbandatar „!DelaDap“ taj odoleske terdschol hot i terni genaracija le Romendar amenge i cukunft taj o drom te sikal. Melinda barikan phenel katar oj al taj schoha na kamla te tagatinel hot oj Romni hi. Te lakere fatschuvtscha la romana tschibtschaha upre te bartschon. Andreas Tröscher, APA redakeur le ostitike Europitike phutschajipeske phukal saj khelipe o mediji le Romenge andi cukunft schaj ovna.

Emmerich Gärtner-Horvath, ORF Volksgruppenredaktion
volksgruppen.orf.at

Tweet