Roma sam
Radijo Burgenland: 18.5.2015 | (on demand)

Erschtivar o cile flogoskere grupn upro listscha le Selenendar ando Burgenland fatretim hi

Erschtivar o cile flogoskere grupn upro listscha le Se­lenen­dar – Zeleni / Zöldek / Selene – ando Burgen­land fatre­tim hi: Horvacke, ungrike taj ersch­ti­var te jek Rom. I voja pedar i kandi­da­tura le Martin Horvathis­tar, fatre­teri la Romen­gera flogos­kera grup­na­tar, baro hi.

But flogoskere grupnakere kandidatscha

„Jek barikano cajchn le Burgenlandiske hi, kaj pumen te but kandi­datscha upre amare listscha la­ken, save minden­fe­li­tike tschib­tscha vake­ren. Mange ada igen latsche tecinel. Khe­tan le upre like­ri­peske amare tschib­tschen­ge taj jeke tole­ranti Burgen­landis­ke ande te bescha­rel amen kamaha“, phenel i Anita Malli, thanes­kero schero le Selenen­dar taj kan­di­datki­ja uso thanes­kero talalini­pes­kero völi­nipe. „Andi aguni cajt, na delahi but Roma, save ande jek poli­tischi partaj use sina, pedar jek kan­di­da­tura uso thanes­kero talalini­pes­kero völi­nipe, na pekal vaker­do te ol. I cu­kunft le Burgen­landis­tar le Sele­nenge jek but tschibtscha­keri cu­kunft hi, ande savi le cilen o glajchi scha­jiptscha hi. Taj ada hi, soske me man ande bescha­rav“, phenel o Mar­tin Horvath.

Politischi gondo

„Le Romenge jek soralo hango ando pradipe pekal. Khe­ta­ni­pes­kero gondo o jek koja hi, ham amen iste amen te ando poli­tischi keripe ande anas“, afka o Horvath baj­der. Ada te o gondo la Maria Raczatar hi, savi dscheno la flogos­kera grup­natar le ungri­ken­dar hi. Oj sajt 2012 ando Erbakero gemajn­da­kero rot le Selenen fatre­tinel. Asaj but terne manu­scha na upre nisaj avre parta­ja­kere listscha te lakel. Ada gondo taj ada use phenipe uso Selene sikan, hot ada mici­nipe ando utschipe hi. Taj phendo schaj meg ol, hot desch kan­di­datscha flogos­kere grupna­kere tschib­tscha, vakeren. Buteder pedar, schunen tumen andi sen­dung „Roma sam“ upro Radijo Bur­genland.

(volksgruppen.orf.at)

Tweet